အေစီမီလန်၀-၀ ဂျူဗင်တပ်စ်
စီးရီးအေရဲ့ အစဉ်အလာပြိုင်ဘက်ကောင်းတွေ ဖြစ်တဲ့ အလျောက် အတောင့်တင်းဆုံး လူစာရင်းတွေနဲ့ အကောင်းဆုံးရင်ဆိုင်ကစားခဲ့ကြတာ ဖြစ်ပါတယ်။အပြန်အလှန်သွင်းဂိုးတွေ မျှော်လင့်ခဲ့ပေမယ့်နှစ်ဖက်ခံစစ်ကစားသမားတွေနဲ့ဂိုးသမားတွေအမှားနည်းခဲ့ကြလို့သရေရလဒ်နဲ့ပဲကျေနပ်ခဲ့ရတာဖြစ်ပါတယ်။တိုက်စစ်ပိုင်းအတွက်ပွဲအဖြေပြောင်းလဲနိုင်စွမ်းရှိတဲ့ကစားသမားကိုယ်စီရှိခဲ့ပေမယ့်တကယ်တမ်းအဆုံးသတ် အားနည်းမှုတွေကြောင့်လည်းဂိုးမရှိရလဒ်ထွက်ပေါ်ခဲ့တာ ဖြစ်ပါတယ်။
ပွဲစဉ်အကျဉ်း
စီးရီးအေအမှတ်ပေးဇယားအဆင့်-၃နဲ့အဆင့်-၅မှာရပ်တည်နေကြတဲ့အသင်းနှစ်သင်းရဲ့အားပြိုင်မှုကိုမြင်တွေ့ခဲ့ရပါတယ်။တကယ်တမ်း မှာလည်းတိုက်စစ်ကစားသမားကောင်းတွေနဲ့ခံစစ်ကစားသမားတွေရဲ့ပုံစံကောင်းကိုမြင်တွေ့ခဲ့ရတယ်လို့ပဲဆိုရမှာပါ။အီဘရာဟီမိုဗစ်ချ်ကိုတစ်ဦးတည်အထောင်ထားပြီးဒီရက်ဇ်၊လီယို၊ခရူနစ်၊တိုနယ်လီ၊ရိုမက်ဂျ်နော့လီတို့နဲ့အတူအေစီမီလန်တို့လူစုံခဲ့ပါတယ်။၄-၂-၃-၁နဲ့ပွဲထွက်လာတဲ့ဂျူဗင်တပ်စ် ကတော့မိုရာတာ၊ဒိုင်ဘာလာ၊မက်ကိန်း၊ကွာဒရာဒို၊လိုကာတယ်လီ၊ဘန်တန်ကူအာတို့ကိုပွဲထွက်ကစားသမားတွေအဖြစ်အသုံးပြုခဲ့တာပါ။စီးရီးအေအမှတ်ပေးဇယားထိပ်ပိုင်းအသင်းတွေဖြစ်လို့တိုက်စစ်ပိုင်းကိုဦးဆောင်ကစားကြတယ်ဆိုပေမယ့်ဂိုးမပေးရဖို့ကအဓိကပစ်မှတ်ဖြစ်ခဲ့ပါတယ်။အထူးသဖြင့်ထိရောက်တဲ့တိုက်စစ်ဆင်မှုထက်ဂိုးမပေးရရေးခံစစ်ဗျူဟာကိုပိုပြီးအသက်သွင်းခဲ့တာပါ။မိုဗစ်ချ်နေရာမှာဂျီရူး လူစားဝင်လာခဲ့ပြီးတဲ့နောက်အေစီမီလန်တိုက်စစ်အနည်းငယ်အလုပ်ဖြစ်ခဲ့ပေမယ့်ဂျူဗင်တပ်စ်တို့အမှားနည်းခဲ့ပါတယ်။ပထမပိုင်းတစ်ပိုင်းလုံးအပြန်အလှန်ကန်သွင်းချက်တွေနဲ့အတူခြိမ်းခြောက်မှုတွေပြုလုပ်ခဲ့ပေမယ့်ဂိုးတော့မရခဲ့ကြပါဘူး။ဒုတိယပိုင်း မှာလည်း လူစားလဲလှယ်မှု ကိုယ်စီ ပြုလုပ်ပြီး အနိုင် ၃ မှတ်ကို ရှာဖွေဖို့ ကြိုးပမ်းခဲ့ကြပေမယ့် ပထမပိုင်းက လိုပဲ ထူးခြားလာခြင်း မရှိတာကြောင့် ဂိုးမရှိ သရေပွဲ အဖြစ်နဲ့ပဲ ပြီးဆုံးသွားခဲ့တာ ဖြစ်ပါတယ်။
ပွဲပြီးသုံးသပ်ချက်
နှစ်သင်းလုံးရဲ့တိုက်စစ်ပိုင်းက အခွင့်အရေးကိုယ်စီရရှိခဲ့ပေမယ့် အသုံးမချနိုင်ခဲ့လို့ သရေရလဒ်နဲ့ပဲကျေနပ်ခဲ့ရ တာပါ။ အေစီမီလန်ကွင်းလယ်ကတိုနယ်လီအထူးခြေစွမ်းပြခဲ့သလိုဂျူဗင်တပ်စ်တောင်ပံကစားသမားကွာဒရာဒိုရဲ့တိုက်စစ်ဆင်မှုတွေကလည်းထိရောက်ခဲ့ပါတယ်။ ဒါ့အပြင် အေစီမီလန်နောက်ခံလူ ကာလာဘရီရာအမှားများခဲ့ပေမယ့် ကာလူလူ၊ ရိုမက်ဂျ်နော့လီ၊ ဟာနန်ဒက်စ်တို့ အကောင်းဆုံးပုံစံရှိခဲ့သလို ဂျူဗင်တပ်ဘက်မှာလည်း ဆန်ဒရိုဘက်က လိုအပ်ချက်ရှိခဲ့ပေမယ့် ချီလီနီ၊ ရူဂါနီ၊ ဒီဆီဂလီရိုတို့ ထိန်းကစားသွားနိုင်ခဲ့ပါတယ်။ အချုပ်အားဖြင့်တော့ အေစီမီလန်နည်းပြပီအိုလီရဲ့ဗျူဟာကိုဂျူဗင်တပ်စ် နည်းပြအယ်လီဂရီရဲ့တိုက်စစ်ဗျူဟာက မယှဉ်နိုင်ခဲ့လို့သရေရလဒ်ထွက်ပေါ်ခဲ့တယ်လို့ပဲသုံးသပ်ရမှာဖြစ်ပါတယ်။
လာမယ့်ပွဲစဉ်များ
အေစီမီလန်အနေနဲ့ လာမယ့်စီးရီးအေပွဲစဉ်မှာ မီလန်ဒါဘီပွဲစဉ်အဖြစ် အင်တာမီလန်ကို ရင်ဆိုင်ရဖို့ရှိနေပြီး ဂျူဗင်တပ်စ် ကတော့ ဗီရိုနာကို အိမ်ကွင်းမှာ ဧည့်ခံကစားရဖို့ရှိနေခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
