၂၀၂၁-၂၀၂၂ ခုနှစ် ချန်ပီယံလိဂ် ဗိုလ်လုပွဲ အဖြစ် လစ်ဗာပူးလ်နဲ့ ရီးရဲယ်မက်ဒရစ်တို့ လာမယ့် ရက်ပိုင်း အတွင်း ပြင်သစ်နိုင်ငံ ပဲရစ် မြို့က Stade de France ကွင်းကြီးမှာ ယှဉ်ပြိုင်ကစားကြတော့မှာ ဖြစ်ပါတယ်။
လက်ရှိ ဥရောပရဲ့ အကောင်းဆုံး နှစ်သင်း ထိပ်တိုက်တွေ့ဆုံနေတာ ဖြစ်လို့ ဘောလုံး ပရိသတ် အားလုံး ရင်ခုန်စွာနဲ့ မျှော်လင့် စောင့်စားနေရတဲ့ ပွဲဆိုရင်လည်း မမှားပါဘူး။ အခု တစ်ခါ မှာတော့ ချန်ပီယံလိဂ် ဗိုလ်လုပွဲနဲ့ ပတ်သတ်တဲ့ သတင်းတွေ၊ ခန့်မှန်းမှုတွေနဲ့ ပြောစကားတွေကို SBOTOP ပရိသတ်တွေ အတွက် လက်လှမ်းမီသလောက် စုစည်း ဖော်ပြပေးသွားမှာ ဖြစ်ပါတယ်။
ချန်ပီယံဖြစ်ရင် ပေါင် သန်း ၁၀၀ ကျော် ရရှိမယ့် လစ်ဗာပူးလ်
ပရီးမီးယားလိဂ် ကလပ် လစ်ဗာပူးလ် အနေနဲ့ အခုနှစ် ချန်ပီယံလိဂ်မှာ ဗိုလ်စွဲခဲ့ရင် ပေါင် ၁၀၆ နီးပါး ပိုင်ဆိုင်သွားဖို့ ရှိနေတယ်လို့ သိရပါတယ်။ ပြီးခဲ့တဲ့နှစ် ချန်ပီယံလိဂ် တုန်းက အင်္ဂလိပ် ကလပ်တွေ အနေနဲ့ ဆုကြေးငွေ စုစုပေါင်း ပေါင် ၄၁၄ သန်း အထိ ရရှိခဲ့ပြီး ဒီပမာဏဟာ ပေါင် ၃၅၁ သန်း ရရှိခဲ့တဲ့ လာလီဂါ၊ ၂၆၅ သန်း ရရှိခဲ့တဲ့ ဘွန်ဒက်စ်လီဂါ၊ ၂၅၆ သန်း ရရှိခဲ့တဲ့ စီးရီးအေနဲ့ ၁၉၃ သန်း ရရှိခဲ့တဲ့ လီဂူးဝမ်း ကလပ်တွေနဲ့ ယှဉ်ရင် အဆမတန် များပြားနေခဲ့တာ ဖြစ်ပါတယ်။ အဓိက ကတော့ ပရီးမီးယားလိဂ် ကလပ်တွေဟာ ရုပ်သံ လွှင်ခွင့်ကနေ ဝင်ငွေ အမြောက်အမြား ရရှိနေခဲ့တာကြောင့် ယူအီးအက်ဖ်အေရဲ့ ဆုကြေးငွေ အချိုးကျ ခွဲဝေမှု စည်းမျဉ်းအရ ဆုကြေးငွေ ပမာဏ အများဆုံး ပိုင်ဆိုင်ခွင့် ရှိနေတာ ဖြစ်ပါတယ်။ ပြီးခဲ့တဲ့ ရာသီက ချန်ပီယံလိဂ်မှာ ဗိုလ်စွဲခဲ့တဲ့ ချဲလ်ဆီးနဲ့ ဒုတိယရခဲ့တဲ့ မန်စီးတီး တို့ဟာ ပေါင် ၁၀၅ သန်းနဲ့ ၁၀၄ သန်းစီ အသီးသီး ရရှိခဲ့ပြီး ရှုံးထွက် အဆင့် တက်ခဲ့တဲ့ လစ်ဗာပူးလ် က ၇၇ သန်း၊ မန်ချက်စတာယူနိုက်တက်က သန်း ၇၀ ရရှိခဲ့တယ်လို့ သိရပါတယ်။ လာလီဂါ ထိပ်သီး ရီးရဲယ်မက်ဒရစ်နဲ့ ပြင်သစ် ကလပ် ပီအက်စ်ဂျီ တို့ကတော့ ပေါင် ၉၆ သန်းစီ ရရှိခဲ့တယ်လို့ သိရပါတယ်။
လစ်ဗာပူးလ် ဂိုးပြတ်နိုင်မယ်လို့ ဟောကိန်းထုတ်လိုက်တဲ့ မိုက်ကယ် အိုဝင်
လစ်ဗာပူးလ်နဲ့ ရီးရဲယ်မက်ဒရစ် ကစားသမားဟောင်း မိုက်ကယ် အိုဝင် ကတော့ ချန်ပီယံလိဂ် ဗိုလ်လုပွဲမှာ ကြိုးကြာနီ တို့ ဂိုးပြတ် အနိုင်ရသွားလိမ့်မယ်လို့ ကြိုတင် ဟောကိန်းထုတ်လိုက်ပါတယ်။ အိုဝင်က “လစ်ဗာပူးလ်က ရီးရဲမက်ဒရစ်ထက် အများကြီးသာနေပါတယ်။ လီဗာပူးက အခုအချိန်မှာ ထူးထူးခြားခြား ကောင်းမွန်နေတဲ့ အသင်း ဖြစ်နေတော့ သူတို့ရဲ့ အနိုင်က ပြတ်သားသွားနိုင်ပါတယ်။ ၃-၀၊ ၃-၁ လောက် ဖြစ်သွားနိုင်တယ်။”လို့ ပြောကြားခဲ့တာ ဖြစ်ပါတယ်။ ဆက်လက်ပြီး မိုက်ကယ် အိုဝင်က အင်္ဂလန် ကလပ်တွေ ဖြစ်တဲ့ ချဲလ်ဆီးနဲ့ မန်စီးတီး တို့ကို ကျော်ဖြတ်ပြီး ဗိုလ်လုပွဲ ရောက်လာတဲ့ ရီးရဲယ်မက်ဒရစ်ရဲ့ ခြေစွမ်းကို မယုံကြည်နိုင် ဖြစ်ရကြောင်း ဘန်ဇီမာ ဦးဆောင်တဲ့ ရီးရဲယ်မက်ဒရစ် ရှေ့တန်းဟာ အကြိတ်အနယ် ကစားရမယ့် ပွဲတွေ ဆိုရင် ဘယ်လိုမျိုး အနိုင်ယူရမလဲ ဆိုတာ အတွေ့အကြုံ ရင့်ကျက်သူတွေ ဖြစ်တယ်လို့ ဆိုပါတယ်။ ဒါ့အပြင် အန်ဆယ်လော့တီရဲ့ အသင်းဟာ နည်းစနစ်ပိုင်း အပြောင်းအလဲ လုပ်လာနိုင်ပြီး တန်ပြန် တိုက်စစ်ကို အားပြုကစားဖွယ် ရှိသလို ဘန်ဇီမာရဲ့ ခြေစွမ်းနဲ့ ဗင်နီးစီးယပ်စ်ရဲ့ အမြန်နှုန်းကို ပေါင်းစပ်ပြီး အမြတ်ထုတ်ဖို့ ကြိုးစားလာနိုင်တယ်လို့ အိုဝင်က သုံးသပ်ပါတယ်။ ဒါကြောင့် လစ်ဗာပူးလ် နောက်တန်းက သတိကြီးကြီးထားထို့ လိုအပ်ကြောင်း ဘန်ဇီမာနဲ့ ဗင်နီးစီးယပ်စ် ကိုသာ ထိန်းထားနိုင်ရင် လစ်ဗာပူးလ်ဟာ ကျန်ရီးရဲယ် တစ်သင်းလုံးထက် သာလွန်နေတယ်လို့ ဆိုပါတယ်။ ဒီလို အခြေအနေ အတွက် လစ်ဗာပူးလ်မှာ ခွန်အားရော အမြန်နှုန်းပါ ကောင်းတဲ့ ဗန်ဒိုက်ခ် ရှိနေတယ်လို့ ပြောကြားသွားခဲ့ပါတယ်။
လစ်ဗာပူးလ်နဲ့ ရီးရဲယ်မက်ဒရစ် တို့ဟာ ချန်ပီယံလိဂ် ဗိုလ်လုပွဲမှာ ၂ ကြိမ် တွေ့ဆုံထားခဲ့ပြီး ၁၉၈၁ ခုနှစ် ဗိုလ်လုပွဲမှာ လစ်ဗာပူးလ်က ၁-၀ နဲ့ အနိုင်ရခဲ့ပြီး ၂၀၁၈ ကိယက်ဗ် ဗိုလ်လုပွဲ မှာတော့ ရီးရဲယ်မက်ဒရစ်က ၃-၁ ရလဒ်နဲ့ ပြတ်ပြတ်သားသား အနိုင်ရထားခဲ့ပါတယ်။
“နောက်ထပ် Comeback ထပ် မလိုချင်ဘူး” အန်ဆယ်လော့တီ
ရီးရဲယ်မက်ဒရစ် အသင်း နည်းပြ အန်ဆယ်လော့တီ ကတော့ စနေနေ့မှာ ကစားမယ့် ချန်ပီယံလိဂ် ဗိုလ်လုပွဲ မှာ ရှေ့ပွဲတွေတုန်းကလို အံ့အားသင့်ဖွယ် ပြန်လာနိုင်မှုမျိုး ထပ်မလိုချင်တော့ဘူးလို့ ဝန်ခံပြောကြားလိုက်ပါတယ်။ ရီးရဲယ်မက်ဒရစ်ဟာ အခုနှစ် ချန်ပီယံလိဂ် ရှုံးထွက် အဆင့်တွေမှာ ပီအက်စ်ဂျီ၊ ချဲလ်ဆီး၊ မန်စီးတီး တို့ကို နှစ်ကျော့စလုံး အသည်းအသန် ကစားခဲ့ရပြီးမှ အံ့အားသင့်ဖွယ် Comeback တွေနဲ့ ကျော်ဖြတ်နိုင်ခဲ့တာပါ။ ဒါကြောင့် အန်ဆယ်လော့တီ အနေနဲ့ လစ်ဗာပူးလ်နဲ့ ကစားမယ့် ဗိုလ်လုပွဲ ကိုတော့ အရင်ပွဲတွေနဲ့ မတူပဲ သက်တောင့်သက်သာ ကစားနိုင်ဖို့ မျှော်လင့်နေခဲ့တာ ဖြစ်ပါတယ်။ ဒါ့အပြင် အန်ဆယ်လော့တီရဲ့ ပြောကြားချက် အရ ဗိုလ်လုပွဲ အတွက် ရီးရဲယ်မက်ဒရစ် တစ်သင်းလုံး ကြံ့ခိုင်မှု ပြည့်ဝနေတယ်လို့ သိရပြီး ပါဝင်ကစားဖို့ မသေချာတဲ့ အလာဘာလည်း ပြန်ကောင်းနေပြီ ဖြစ်သလို ဟာဇက်နဲ့ ဘေးလ် တို့လည်း ပွဲထွက်နိုင်ဖို့ ရှိနေတယ်လို့ သိရပါတယ်။ အန်ဆယ်လော့တီဟာ ချန်ပီယံလိဂ် ဆုဖလားကို ၃ ကြိမ် ရရှိဖူးတဲ့ နည်းပြ တစ်ဦး ဖြစ်ပြီး ဒီနှစ်မှာသာ ရီးရဲယ်မက်ဒရစ်တို့ ထပ်မံ ဗိုလ်စွဲခဲ့ရင်တော့ ချန်ပီယံလိဂ် ၄ ကြိမ် ရဖူးတဲ့ ပထမဦးဆုံး နည်းပြ အဖြစ် မှတ်တမ်း ဝင်သွားမှာလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
