နာပိုလီ နည်းပြဟာ အေစီမီလန်ကို ကြောက်ရွံ့နေလိမ့်မယ် ဆိုတဲ့ အီရာနီယို၊ အင်တာက ဥရောပမှာ အခုထက် လေးစားခံရသင့်တယ် ဆိုတဲ့ အိုနာနာ စတဲ့ သတင်းတွေ အပါအဝင် မတ် ၃၁ ရက်နေ့ ညနေခင်းရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။
နာပိုလီက အေစီမီလန်ကို ကြောက်ရွံ့နေလိမ့်မယ် ဆိုတဲ့ အီရာနီယို
နာပိုလီ အနေနဲ့ အေစီမီလန်နဲ့ ချန်ပီယံလိဂ် ကွာတားဖိုင်နယ်မှာ ထိပ်တိုက်တွေ့မယ့် အပေါ် စိုးရိမ် ကြောက်ရွံ့နေမှာ ဖြစ်ကြောင်း အေစီမီလန် ကွင်းလယ်လူဟောင်း စတီဖန်နို အီရာနီယိုက ပြောကြားခဲ့ပါတယ်။
နာပိုလီဟာ ဒီရာသီမှာ အတော်လေး ခြေစွာနေတဲ့ အသင်း တစ်သင်း ဖြစ်ပြီး စီးရီးအေ အမှတ်ပေး ချန်ပီယံဆု အတွက် ထိပ်ဆုံးက ပြေးနေသလို ချန်ပီယံလိဂ် မှာလည်း ကွာတားဖိုင်နယ်ကို ရောက်ရှိနေပါတယ်။ ကွာတားဖိုင်နယ် မှာတော့ အီတလီ အသင်း တစ်သင်းပဲ ဖြစ်တဲ့ အေစီမီလန်နဲ့ ထိပ်တိုက်တွေ့နေပြီး အေစီမီလန် ကစားသမားဟောင်းက အခုလိုပဲ ပြောကြားခဲ့တာပါ။
အီရာနီယိုက အေစီမီလန်ရဲ့ ဒီအင်န်အေထဲမှာ ချန်ပီယံလိဂ် ပြိုင်ပွဲ ရှိနေကြောင်း၊ အေစီမီလန်နဲ့ အတူ ချန်ပီယံလိဂ် ရခဲ့ဖူးတဲ့ ကစားသမားတွေတော့ အခုချိန်မှာ မရှိတော့ကြောင်း၊ ဘာပဲဖြစ်ဖြစ် အေစီမီလန်က နာပိုလီကို ကျော်ဖြတ်နိုင်ကြောင်းနဲ့ လူစီယာနို စပယ်လက်တီက အေစီမီလန်နဲ့ ရင်ဆိုင်မှာကို ပျော်ရွှင်နိုင်မှာ မဟုတ်ကြောင်း ပြောကြားသွားခဲ့ပါတယ်။
ယော်ရန်းတေးကို အခွင့်အရေး ထပ်ပေးချင်နေတဲ့ မော်ရင်ဟို
ရိုးမား နည်းပြ ဟိုဆေး မော်ရင်ဟိုဟာ လိဒ်စ်ယူနိုက်တက် ကနေ အငှားနဲ့ လာရောက် ကစားနေတဲ့ ဒီယေဂို ယော်ရန်းတေးကို နောက်တစ်ကြိမ် အခွင့်အရေး ထပ်ပေးဖို့ ဆန္ဒရှိနေကြောင်း သိရပါတယ်။
အသက် (၂၉) နှစ် အရွယ် အဆိုပါ နောက်ခံလူရဲ့ ခြေစွမ်း အပေါ် မော်ရင်ဟိုက သဘောကျ နှစ်သက်ခြင်း မရှိကြောင်း ပြီးခဲ့တဲ့ ရက်ပိုင်း အတွင်းက သတင်းတွေ တက်လာခဲ့ပါတယ်။ ဒါပေမယ့်လည်း ဒီကစားသမားကို နောက်တစ်ကြိမ် ပွဲထွက်ခွင့်ပေးဖို့ မော်ရင်ဟိုက ဆုံးဖြတ်ထားပြီး အသင်းမှာ ရုန်းကန်နေရတဲ့ မာရက်ချ် ကမ်ဘူလာရဲ့နေရာမှာ အစားထိုးသွားဖို့ ပြင်ဆင်နေပါတယ်။
ယော်ရန်းတေးဟာ စီးရီးအေ ကလပ် ရိုးမားကို ပြီးခဲ့တဲ့ ဆောင်းရာသီ အပြောင်းအရွှေ့ ကမှ အငှားနဲ့ ရောက်ရှိလာခဲ့တာ ဖြစ်ပြီး အခုချိန်အထိ စုစုပေါင်း (၇၂) မိနစ်သာ ကစားခွင့် ရထားပါသေးတယ်။ သူ့ရဲ့ အငှားစာချုပ်မှာ အပြီးသတ် ခေါ်ယူခွင့်လည်း ပါရှိပေမယ့် မော်ရင်ဟိုသာ သဘောမကျရင်တော့ လာမယ့် နွေရာသီမှာ အင်္ဂလန် ကိုသာ ပြန်သွားရဖွယ် ရှိနေပါတယ်။
အင်တာမီလန်က ဥရောပမှာ အခုထက် လေးစားခံရသင့်ကြောင်း ပြောဆိုလိုက်တဲ့ အိုနာနာ
စီးရီးအေ ကလပ် အင်တာမီလန် ဂိုးသမား အန်ဒရီ အိုနာနာက အသင်းအနေနဲ့ ဥရောပမှာ အခုထက် ပိုမိုတဲ့ လေးစားမှုတွေ ရရှိဖို့ ထိုက်တန်ကြောင်း ပြောကြားသွားခဲ့ပါတယ်။
အင်တာမီလန် အနေနဲ့ လက်ရှိအချိန်မှာ ဘင်ဖီကာနဲ့ ရင်ဆိုင်ဖို့ အတွက် ချန်ပီယံလိဂ် ကွာတားဖိုင်နယ် အဆင့်ကို ရောက်ရှိနေပြီ ဖြစ်သလို ကိုပါအီတလီယာ ဆီမီးဖိုင်နယ် မှာလည်း ဂျူဗင်တပ်စ်နဲ့ ထိပ်တိုက်တွေ့ရတော့မှာပါ။ ဒီလိုမျိုး ပွဲကြီး ပွဲကောင်းတွေ ရှိနေတဲ့ အပေါ် တစ်လ အလိုကတည်းက စိတ်လှုပ်ရှားနေရကြောင်း အိုနာနာက ဖွင့်ဟခဲ့ပြီး ဒီပွဲတွေ အတွက် အဆင်သင့်ဖြစ်နေဖို့ နေ့တိုင်း ကြိုးစားနေကြောင်း ပြောကြားခဲ့ပါတယ်။ ဒါ့အပြင် အိုနာနာက ကျွန်တော်တို့ အားလုံး အင်တာမီလန်ကို ကာကွယ်ဖို့ လိုအပ်ကြောင်း၊ ဒီအသင်းရဲ့ ဂိုးသမား ဖြစ်ရတာ ဂုဏ်ယူစရာ ဖြစ်ကြောင်း၊ ဥရောပမှာ ကျွန်တော်တို့ အခုထက် ပိုမို လေးစားမှု ရသင့်ကြောင်း၊ ဘာကြောင့်လဲ ဆိုတော့ ဘာစီလိုနာကို ဖြုတ်ချခဲ့သလို ခက်ခဲတဲ့ အုပ်စုကို ကျော်ဖြတ်ခဲ့ရလို့ ဖြစ်ကြောင်း ပြောကြားခဲ့ပါသေးတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
