ဒီတစ်ခါ မှာတော့ ဩဂုတ်လ ၁၆ ရက်နေ့ အထိ ရရှိထားသမျှ ပရီးမီးယားလိဂ် သတင်းတွေကို ဖော်ပြပေးသွားမှာ ဖြစ်ပါတယ်။
ဒီရာသီ ပရီးမီးယားလိဂ် ချန်ပီယံဆုကို မန်စီးတီး မရဘူးလို့ ဟောကိန်းထုတ်ခဲ့တဲ့ နဗီးလ်နဲ့ ကာရေဂါ
မန်စီးတီးတို့ ဒီရာသီမှာ ပရီးမီးယားလိဂ် ဖလားကို ရရှိမှာ မဟုတ်ဘူးလို့ ဂယ်ရီ နဗီးလ်နဲ့ ဂျေမီ ကာရေဂါ တို့က Monday Night Football မှာ ဟောကိန်းထုတ်ခဲ့ကြပါတယ်။
ဂယ်ရီ နဗီးလ်နဲ့အတူ လစ်ဗာပူးလ် ဂန္တဝင် ကာရေဂါနဲ့ ကာရန် ကာနီတို့က ရာသီသစ် ပထမပွဲစဉ်တွေ အပြီးမှာ ထိပ်ဆုံး ၄ နေရာ အတွက် ဟောကိန်းထုတ်ခဲ့ကြတာ ဖြစ်ပါတယ်။ အဓိက, ကတော့ မန်ချက်စတာယူနိုက်တက် ဂန္တဝင်က ဂွါဒီယိုလာရဲ့ အသင်း အနေနဲ့ ၄ ကြိမ်ဆက် ဖလားရမှာ မဟုတ်ဘူးလို့ ပြောဆိုခဲ့တာ ဖြစ်ပါတယ်။
အာဆင်နယ်က တင်းဘားကို ဒဏ်ရာကြောင့် ဆုံးရှုံးခဲ့ရပေမယ့်လည်း ဒီကလန် ရိုက်စ်နဲ့ အတူ တိုးတက်မှုတွေ ရှိနေပြီး မန်စီးတီးသာ အာလင်း ဟာလန်းကို ဒဏ်ရာကြောင့် ၁၀ ပွဲလောက် ဆုံးရှုံးရတာနဲ့ ဂန်းနားတွေ ချန်ပီယံ ဖြစ်သွားနိုင်တယ်လို့ ဂယ်ရီ နဗီးလ်က ယုံကြည်နေပြီး လစ်ဗာပူးလ် ဂန္တဝင် ဂျေမီ ကာရေဂါနဲ့ ကာနီတို့ ၂ ဦးစလုံး ကလည်း ထိပ်ဆုံး ၄ နေရာ အတွက် ရွေးချယ်ရာမှာ အာဆင်နယ်၊ မန်ချက်စတာယူနိုက်တက် တို့ရဲ့ နောက်မှာ မန်စီးတီးကို ရွေးချယ်ခဲ့ပြီး အဆင့် ၄ နေရာ မှာတော့ လစ်ဗာပူးလ် ဖြစ်လိမ့်မယ်လို့ ဟောကိန်းထုတ်ခဲ့တာ ဖြစ်ပါတယ်။
ပက်ကေးတားနဲ့ မန်စီးတီး တို့ရဲ့ နောက်ဆုံးရ သတင်းကို ပြောပြခဲ့တဲ့ ရိုမာနို
ရိုမာနိုက ပရီးမီးယားလိဂ် ချန်ပီယံတွေဟာ ပက်ကေးတားကို ၁၀၀ ရာခိုင်နှုန်း ခေါ်ယူနိုင်ဖို့ အာမခံချက် ရှိတဲ့ ကမ်းလှမ်းမှုသစ်ကို ပြုလုပ်ဖို့ အတွက် ပြင်ဆင်နေတယ်လို့ တွစ်တာ ကနေ ပြောဆိုခဲ့တာ ဖြစ်ပါတယ်။ ဝက်စ်ဟမ်းယူနိုက်တက်ဟာ မန်ချက်စတာစီးတီးရဲ့ အစောပိုင်း ကမ်းလှမ်းမှုကို ငြင်းပယ်ခဲ့တာ ဖြစ်ပြီး ဒီကလန် ရိုက်စ်ကို ဆုံးရှုံးခဲ့ပြီး ဖြစ်တာကြောင့် ဘရာဇီးလ် ကွင်းလယ် ကစားသမားကို အဆုံးရှုံးမခံနိုင်ဖြစ်နေတာပါ။
မန်ချက်စတာစီးတီးဟာ ပက်ကေးတား အတွက် ကနဦး ပေါင်သန်း ၇၀ နဲ့ ကမ်းလှမ်းခဲ့ပေမယ့်လည်း ဝက်စ်ဟမ်းက သတ်မှတ်ထားတဲ့ ပမာဏနဲ့ မကိုက်ညီတာကြောင့် ငြင်းပယ်ခံခဲ့ရတာ ဖြစ်ပါတယ်။ ဘရိုက်တန် ကွင်းလယ်လူ ကိုင်ဆေဒိုက ချဲလ်ဆီးကို ပေါင် ၁၁၅ သန်းနဲ့ ပြောင်းရွှေ့သွားပြီးနောက် ဘရာဇီးလ် ကြယ်ပွင့်ရဲ့ ပြောင်းရွှေ့ကြေးဟာ ပေါင်သန်း ၁၀၀ အထိ မြင့်တက်သွားနိုင်တယ်လို့ ကောလာဟလတွေလည်း ထွက်ပေါ်နေတာ ဖြစ်ပါတယ်။
ပင်နယ်တီမပေးခဲ့လို့ ဂျွန် မော့စ်က တောင်းပန်ခဲ့တယ် ဆိုတဲ့ ဂယ်ရီ အိုနေးလ်
ပွဲကစားချိန် နာကျင်အချိန်ပိုကို ရောက်ရှိနေချိန်မှာ မန်ချက်စတာယူနိုက်တက်ဂိုးသမား အန်ဒရီ အိုနာနာက ပက်ဒရို နီတိုရဲ့ ဖြတ်တင်ဘောကို ကြားဖြတ်ရယူဖို့ ကြိုးပမ်းခဲ့ပေမယ့်လည်း ဆာဆာ ကာလက်ဇစ်ရဲ့ ဦးခေါင်းကို လက်သီးနဲ့ ထိုးသလိုဖြစ်ခဲ့တာဖြစ်ပါတယ်။
ဒိုင်လူကြီး ဆိုင်မွန် ဟူးပါးက ဝုလ်ဗ်စ်ကို ပင်နယ်တီ မပေးခဲ့ဘဲ VAR ဒိုင် မိုက်ကယ် ဆာလစ္စဘူရီကလည်း ဟူးပါးရဲ့ ဆုံးဖြတ်ချက်ဟာ မှားယွင်းခဲ့တယ်လို့ မယူဆခဲ့ဘဲ ထောက်ခံခဲ့တာဖြစ်ပြီး ဒေါသတကြီး တုံ့ပြန်ခဲ့တဲ့ ဂယ်ရီ အိုနေးလ်ဟာ အဝါကတ်ပြခံခဲ့ရတာဖြစ်ပါတယ်။
ဒါပေမယ့်လည်း ပွဲအပြီးမှာတော့ ပရီးမီးယားလိဂ်ဒိုင်လူကြီးတွေကို စီမံခန့်ခွဲနေတဲ့ ဂျွန် မော့စ်က ဝုဗ် နည်းပြနဲ့ စကားပြောဆိုခဲ့ချိန် အတွင်း အိုနာနာရဲ့ ပြစ်ဒဏ်ကျူးလွန်မှုဟာ ပင်နယ်တီပေးရမယ့် လုပ်ရပ် ဖြစ်ပြီး ဝုလ်ဗ်စ်ကို ပင်နယ်တီ မသတ်မှတ်ပေးခဲ့တဲ့ အတွက် တောင်းပန်တယ်လို့ ပြောကြားခဲ့ကြောင်းနဲ့ ရှေ့လျှောက် မျှတတဲ့ဆုံးဖြတ်ချက်တွေ ရရှိမယ်လို့ မျှော်လင့်ကြောင်း အိုနေးလ်က ပြောကြားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
