ပေါ်တူဂီမှာ ကင်းထောက်တွေ ထပ်မံ ထားရှိဖို့ ယူနိုက်တက် တာဝန်ရှိသူတွေကို တောင်းဆိုလိုက်တဲ့ အမော်ရင် | ပရီးမီးယားလိဂ်

ပရီးမီးယားလိဂ် မန်ချက်စတာယူနိုက်တက် နည်းပြ ရူဘင် အမော်ရင်က ခရစ္စတီယာနို ရော်နယ်ဒိုလို ကစားသမားမျိုး ရရှိဖို့ အတွက် ယူနိုက်တက် အနေနဲ့ ပေါ်တူဂီမှာ ကင်းထောက် အရေအတွက် ခပ်များများ ထားရှိဖို့ အသင်း တာဝန်ရှိသူတွေထံ တောင်းဆိုထားတယ်လို့ သိရပါတယ်။

ယူနိုက်တက်ဟာ တစ်ချိန်မှာ ကမ္ဘာကျော် ကစားသမား ဖြစ်လာမယ့် ခရစ္စတီယာနို ရော်နယ်ဒိုကို စပိုတင်းလစ္စဘွန်း ဆီကနေ ခေါ်ယူနိုင်ခဲ့တာ ဖြစ်ပါတယ်။ ဒါ့အပြင် ရော်နယ်ဒိုဟာ ပရီးမီးယားလိဂ် ကလပ် အတွက် များစွာ အကျိုးပြုခဲ့ပြီးတော့ အောင်မြင်မှုတွေလည်း ရယူပေးနိုင်ခဲ့သူ ဖြစ်ပါတယ်။ ရော်နယ်ဒိုဟာ ၂၀၀၃ ခုနှစ် ကနေ ၂၀၀၉ ခုနှစ် အထိ ယူနိုက်တက် အတွက် ပွဲပေါင်း ၂၇၇ ပွဲ ကစားပြီး ၁၁၂ ဂိုး သွင်းယူခဲ့ကာ ပရီးမီးယားလိဂ် ဖလား ၃ ကြိမ်၊ အက်ဖ်အေဖလား ၁ ကြိမ်၊ ကွန်မြူနတီဒိုင်း ၁ ကြိမ်၊ ချန်ပီယံလိဂ် ဖလား ၁ ကြိမ်၊ ဖီဖာ ကလပ် ကမ္ဘာ့ဖလား ၁ ကြိမ် ရရှိခဲ့ပါတယ်။ ဒါ့အပြင် ရော်နယ်ဒိုဟာ ပရီးမီးယားလိဂ် ကလပ် ယူနိုက်တက်မှာ ကစားနေစဉ် အတွင်း ဘယ်လွန်ဒေါဆု တစ်ကြိမ် ရရှိခဲ့ပါသေးတယ်။

ရူဘင် အမော်ရင်က ပေါ်တူဂီ ကနေ ခရစ္စတီယာနို ရော်နယ်ဒို လက်သစ် ကစားသမားတွေ ထပ်မံ ပေါ်ထွက်လာနိုင်မယ်လို့ ယုံကြည်နေတာကြောင့် ယူနိုက်တက်ကို ကင်းထောက် အင်အားကို ပိုပြီး တိုးမြှင့်ဖို့ တိုက်တွန်းထားတာလည်း ဖြစ်ပါတယ်။ ယူနိုက်တက်ဟာ လက်ရှိ အသင်းမှာ ဘရူနို ဖာနန်ဒက်စ်၊ ဒီယိုဂို ဒါးလော့တ် တို့လို ပေါ်တူဂီ ကစားသမားများစွာ ပိုင်ဆိုင်ထားပေမယ့်လည်း ပြီးခဲ့တဲ့ နှစ်တွေ အတွင်းမှာ ကင်းထောက်တွေရဲ့ အားနည်းချက်ကြောင့် ဘာနာဒို ဆေးလ်ဗား၊ ရူဘင် နီးဗက်စ်၊ ရူဘင် ဒီးရာ့ဇ်၊ ရာဖေးလ် လီယောင် စတဲ့ ကြယ်ပွင့် ကစားသမားတွေကို လက်လွှတ်ထားခဲ့ရကြောင်း အာမော်ရင်က ယူဆနေတာ ဖြစ်ကြောင်း သိရပါတယ်။ ဒါကြောင့် ပေါ်တူဂီ စျေးကွက် အတွက် ကင်းထောက် အဖွဲ့သစ် ထပ်မံ ဖွဲစည်း စေလွှတ်သွားဖို့ ဆန္ဒရှိနေတာ ဖြစ်ကြောင်းလည်း သိရသည်။

ဒါ့အပြင် ရူဘင် အမော်ရင်က လက်ရှိမှာ အသင်း အတွက် အကျိုးမပြုနိုင်မယ့် ကစားသမားတွေကို ရှင်းထုတ်ဖို့ရာ အတွက် ခေါင်းညှိတ်ထားခဲ့ပြီး ယူနိုက်တက်ကို တဖြည်းဖြည်းချင်း ပြင်ဆင်သွားဖို့ ရည်ရွယ်ထားတာ ဖြစ်ပါတယ်။ သူ့ရဲ့ ပြောကြားချက်တွေကို ပြန်ကြည့်ရင် သူ့အနေနဲ့ ယူနိုက်တက်ကို ချက်ချင်း လက်ငင်း ဆုဖလားတွေ ရယူပေးနိုင်မယ်လို့ အာမခံထားခြင်း မရှိပဲ အနာဂတ် မှာတော့ ဆုဖလားတွေ ရယူဖို့ မျှော်လင့်ထားတာ ဖြစ်ပါတယ်။

လက်ရှိမှာ ယူနိုက်တက်က ရလဒ်တွေ ဆိုးရွားနေပြီး နောက်ဆုံး ၆ ပွဲမှာ နိုင်ပွဲ ၂ ပွဲသာ ရထားပြီး ၄ ပွဲ အထိ ရှုံးနိမ့်ထားပါတယ်။ နောက်ဆုံး ပွဲမှာ ဆိုရင် ဘုန်းမောက် ကို အိမ်ကွင်းမှာ ၃ ဂိုးပြတ်နဲ့ အရေးနိမ့်ခဲ့ပြီး ခရာဘောင်ဖလား မှာလည်း ကွာတားဖိုင်နယ် ကနေပဲ ထွက်ခွာခဲ့ရပြီ ဖြစ်ပါတယ်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.