အန်ဘီအေ အနေနဲ့ ပရိသတ်တွေကို အလေးထားပြီး စွဲဆောင်မယ့် ပုံစံသစ်တစ်ခုကို ချပြဖို့ရှိနေပါတယ်။အန်ဘီအေနဲ့ မိုက်ခရိုဆော့ဖ်တို့ ပူးပေါင်းပြီး ဘတ်စကတ်ဘောကွင်းပတ်ပတ်လည်မှာ ပရိသတ်တွေလာရောက်ကြည့်ရှုနေတဲ့ ပုံစံမျိုးဖြစ်အောင် စီစဉ်သွားမယ်လို့သိရပါတယ်။အန်ဘီအေ ပြိုင်ပွဲဟာ လာမယ့်ဇူလိုင်လလ၃၀ရက်နေ့မှာ အမေရိကန်နိုင်ငံ၊ဖလော်ရီဒါပြည်နယ်၊အော်လန်ဒို က ဝေါ့ဒစ်စနေးအပန်းဖြေစခန်းမှာ ပြန်လည်စတင်ဖို့ရှိနေပြီးတော့ ပရိသတ် အယောက် ၃၀၀လောက် လာရောက်ကြည့်ရှုနေသလိုမျိုး LED ဘုတ်တွေကွင်းဘေးပတ်ပတ်လည်မှာ ထောင်ထားဖို့ရှိနေတာပါ။
၁၇ပေရှည်လျားတဲ့ LED မျက်နှာပြင်တွေပေါ်မှာ ပရိသတ်တွေအမှန်တကယ် ကြည့်ရှုအားပေးနေတဲ့ ပုံရိပ်တွေကို ကစားသမားတွေ မြင်နိုင်ဖို့ အတွက် စီစဉ်ပေးသွားမှာ ဖြစ်သလို အားပေးနေတဲ့ အသံတွေကိုလည်း ကွင်းထဲမှာ ပျံ့လွင့်နေစေဖို့ ပြင်ဆင်နေပါတယ်။ပရိတ်သတ်တွေအနေနဲ့ကတော့ မိမိတို့ အသင်းရဲ့ Appကနေတစ်ဆင့် ကွင်းထဲမှာ အမှန်တကယ်သွားရောက်ကြည့်ရှုနေသလို မြင်တွေ့ရမှာ ဖြစ်ပြီး အဲ့ဒီစနစ်သစ်ကိုတော့ “အတူတကွတည်ရှိခြင်း”လို့ နာမည်ပေးထားပါတယ်။မိုက်ခရိုဆော့ဖ်နဲ့ ပူးပေါင်းလုပ်ဆောင်နေတဲ့ အစီအစဉ်အရ ကင်မရာ အမြင်ပုံစံတွေကို အဆင့်မြှင့်ထားပြီး ကစားသမားတွေကို အနီးကပ်ကြည့်ရှုနိုင်တဲ့ပုံစံအဖြစ် ပြင်ဆင်ထားတယ်လို့သိရပါတယ်။
၁၇ပေ ရှိတဲ့ အဲ့ဒီ LEDမျက်နှာပြင်ပေါ်မှာတော့ ပရိသတ် ၃၂၀သာ၀င်ဆံ့မှာဖြစ်ပြီးတော့အခုစနစ်ကိုတော့ ကိုရိုနာဗိုင်းရပ်စ်ကြောင့် အကန့်အသတ် အတားအစီးတွေ ချမှတ်ထားတဲ့ အချိန်တစ်လျှောက်လုံး ပွဲစဉ်တိုင်းမှာအသုံးပြုသွားမှာလည်းဖြစ်ပါတယ်။
လက်ရှိမှာ ပြန်လည်စတင်နေတဲ့ အန်ဘီအေ ပြိုင်ပွဲကြီးကို ပုံစံသစ်နဲ့ ကျင်းပနေပြီးတော့ တစ်ဦးနဲ့တစ်ဦးခပ်ခွာခွာနေထိုင်ခြင်း ဆိုတဲ့ ပုံစံကို အဓိကဖော်ပြပြီး ကျင်းပနေပါတယ်။လက်ရှိမှာတော့ ဇူလိုင်လ ၃၀ရက်နေ့မတိုင်မီ ပြိုင်ပွဲ၀င်၂၂သင်းဟာ လက်စမ်းပွဲတွေကစားနေပြီး အဆင်ပြေချောမွေ့စွာပဲကျင်းပနိုင်တာကို တွေ့ရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘတ်စကတ်ဘော STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ်, တွစ်တာ, အင်စတာဂရမ် and ယူကျု့ဘ်.
