အခုတစ်ပတ် ပရီးမီးယားလိဂ် ပွဲစဉ် ၄ မှာတော့ အာဆင်နယ်ဟာ မြောက်လန်ဒန်ဒါဘီ ပြိုင်ဘက် တော့တင်ဟမ်ဟော့စပါးကို အဝေးကွင်းမှာ ၀-၁ ရလဒ်နဲ့ အနိုင်ရခဲ့တာ ဖြစ်ပါတယ်။ ဒီပွဲမှာ အာဆင်နယ်က အဓိက ကစားသမားတွေ ဖြစ်တဲ့ ဒီကလန် ရိုက်စ်နဲ့ မာတင် အိုဒီဂတ်တို့ ပါဝင်ခဲ့ခြင်း မရှိခဲ့သည့်တိုင်အောင် အရေးပါတဲ့ အနိုင် ၃ မှတ်ကို အရယူပြီး အိမ်ပြန်နိုင်ခဲ့ပါတယ်။
အာဆင်နယ် အတွက် တစ်လုံးတည်းသော အနိုင်ဂိုး ကိုတော့ နောက်ခံလူ ဂါဘရီရယ်က သွင်းယူပေးခဲ့သလို ခံစစ်ပိုင်း အတွက်လည်း ဂါဘရီရယ်ရော၊ အတွဲအဖက် ဝီလီယမ် ဆလီဘာပါ တာဝန်ကြေခဲ့ကြတာ ဖြစ်ပါတယ်။ ဒါကြောင့် ပရီးမီးယားလိဂ်ရဲ့ ဂန္တဝင် ကစားသမားဟောင်း အလန် ရှီးယားက အာဆင်နယ် ဗဟိုခံစစ်မှူး နှစ်ဦး ဖြစ်တဲ့ ဆလီဘာနဲ့ ဂါဘရီရယ် တိုရဲ့ ခံစစ် စွမ်းဆောင်ရည်တွေကို ချီးကျူးသွားခဲ့ပါတယ်။
အလန်ရှီးယားက ဆလီဘာနဲ့ ဂါဘရီရယ် တို့ရဲ့ ခံစစ် အရည်အသွေးကောင်းတွေက ခမ်းနားလွန်းတယ် ဆိုပြီးတောင် ချီးကျူး ပြောဆိုသွားခဲ့ပါတယ်။ အာဆင်နယ်က သူတိုရဲ့ ခါးသီး မြောက်လန်ဒန် မြိုခံ ပြိုင်ဘက် စပါးနဲ့ ရင်ဆိုင်ခဲ့ရတဲ့ ပွဲစဉ်မှာ အသင်းရဲ့ အဓိက ကွင်းလယ်လူတွေ ဖြစ်တဲ့ ဒီကလန် ရိုက်စ်နဲ့ အသင်းခေါင်းဆောင် မာတင် အိုဒီဂတ် တို့ကို ဒဏ်ရာကြောင့် ဆုံးရှုံးခဲ့ရတာပါ။ ဒါပေမယ့်လည်း နည်းပြ မီခဲလ် အာတေးတားရဲ့ နည်းစနစ်ပိုင်း ရွေးချယ်တာ မှန်ကန်မှုတွေ အပြင် အသင်းသားတွေရဲ့ နိုင်ပွဲ ဆာလောင်မှုတွေနဲ့ စပါးကို အကောင်းဆုံး ရင်ဆိုင်ခဲ့ပါတယ်။ အာဆင်နယ်က အခု ပရီးမီးယားလိဂ် ပွဲစဉ် ၄ ပွဲ ကစားပြီးချိန်မှာ ခံစစ်က ပေးဂိုး ၁ ဂိုးသာ ရှိထားခဲ့ပြီး ဘရိုက်တန်နဲ့ တစ်မှတ်စီ ခွဲယူခဲ့ရတဲ့ ပွဲမှာ ခွင့်ပြုခဲ့ရတာ ဖြစ်ပါတယ်။
အာဆင်နယ်ဟာ ဒီရာသီမှာ ဘိုလော့ဂ်နာ ခံစစ်မှူး ရီကာဒို ကာလာဖီအိုရီကို ခေါ်ယူထားခဲ့ပေမယ့် ဆလီဘာ၊ ဂါဘရီရယ် ဗဟိုခံစစ် အတွဲနဲ့ အတူ ဘန်ဝှိုက်၊ တင်ဘာ တို့ကို အဓိကထား အသုံးပြုနေခဲ့တာ ဖြစ်ပါတယ်။ လက်ရှိ အာဆင်နယ်ရဲ့ ဗဟိုခံစစ် အတွဲအဖက်နဲ့ ပတ်သတ်လို့တော့ နယူးကာဆယ် တိုက်စစ်မှူးဟောင်း အလန် ရှီးယားက အခုလိုပဲ ချီးကျုးလာခဲ့တာ ဖြစ်ပါတယ်။ အလန် ရှီးယားက “သူတို့ နှစ်ဦးက လူကောင်လည်း ကြီးတယ်။ ကြံခိုင်မှုလည်း ကောင်းကြတယ်။ သန်လည်း သန်မာကြပါတယ်။ ဘယ်လို တိုက်ပွဲမျိုးကိုမဆို ရင်ဆိုင်ဖို့ အဆင်သင့် ဖြစ်နေကြသူတွေပါ။ သူတို့ နှစ်ဦးစလုံးက ပင်နယ်တီ ဧရိယာထဲကို ဝင်လာကြတဲ့သူ မှန်သမျှကို ဖယ်ရှားပစ်နိုင်တာဟာ လုံးဝကို ခမ်းနားလွန်းပါတယ်။ အာဆင်နယ်လို အသင်းမျိုးကို တစ်ဂိုးပေးထားလိုက်ရပြီ ဆိုရင် ဒီရလဒ် ကနေ ပြန်လာနိုင်ဖို့ အတွက် ထူးခြားတာ တစ်ခုခု လုပ်ပြနိုင်ဖို့ လိုပါတယ်။ ဘာကြောင့်လဲ ဆိုတော့ ဒီလို ရလဒ်ကနေ ပြန်လာနိုင်ဖို့ ဆိုတာ ခက်ခဲလွန်းလို့ ပါပဲ။” လို့ ပြောကြားသွားခဲ့ပါတယ်။
ဆက်လက်ပြီး ရှီးယားက “အာဆင်နယ်က ပရီးမီးယားလိဂ်မှာ အကောင်းဆုံး ခံစစ်တန်းကို ပိုင်ဆိုင်ထားတယ် ဆိုတာ သံသယ ဖြစ်စရာ မရှိပါဘူး။ သူတို့ ခံစစ်ရဲ့ အလုပ်လုပ်ပုံနဲ့ ကာကွယ်နိုင်ပုံတွေကြောင့် စပါးတို့ အဖြေရှာဖို့ ခက်ခဲသွားခဲ့ရပါတယ်။ အမြင့်ဘောတွေ အသုံးပြုလာတော့လည်း ဒါက အာဆင်နယ် ဗဟိုမှူး ၂ ဦး အတွက် ဘာမှအခက်အခဲ မရှိခဲ့ပါဘူး။” လို့ သူ့ရဲ့ အမြင်အတိုင်း သုံးသပ်သွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
