နောက်ကျ အနိုင်ဂိုး အတွက် ပျော်ရွှင်မဆုံး ဖြစ်နေတဲ့ နယ်လ်ဆင်၊ အန်ဖီးလ်မှာ ယူနိုက်တက် မနိုင်ဘူးလို့ ဟောကိန်း ထုတ်လိုက်တဲ့ ဒန်နီ မာဖီ (ပရီးမီးယားလိဂ် နောက်ဆုံးရ သတင်းများ)

နောက်ကျ အနိုင်ဂိုး အတွက် ပျော်ရွှင်မဆုံး ဖြစ်နေတဲ့ နယ်လ်ဆင်၊ အန်ဖီးလ်မှာ ယူနိုက်တက် မနိုင်ဘူးလို့ ဟောကိန်း ထုတ်လိုက်တဲ့ ဒန်နီ မာဖီ စတဲ့ သတင်းတွေ အပါအဝင် မတ် ၅ ရက်နေ့ရဲ့ ပရီးမီးယားလိဂ် သတင်း တချို့ကို ဖော်ပြပေးသွားမှာ ဖြစ်ပါတယ်။

နောက်ကျ အနိုင်ဂိုး အတွက် ပျော်ရွှင်မဆုံး ဖြစ်နေတဲ့ နယ်လ်ဆင်

မနေ့က ကစားခဲ့တဲ့ အာဆင်နယ်နဲ့ ဘုန်းမောက် တို့ရဲ့ အင်္ဂလန် ပရီးမီးယားလိဂ် ပွဲစဉ် မှာတော့ အာဆင်နယ်က အံ့အားသင့်ဖွယ်ရာ ပြန်လာနိုင်မှုနဲ့ အတူ ၃-၂ နဲ့ အနိုင်ရရှိသွားခဲ့ပါတယ်။ ဘုန်းမောက်က ဦးဆောင်ဂိုး ၂ ဂိုး သွင်းယူခဲ့ရာမှာ ပွဲအစ ၉ စက္ကန့်မှာ ကတည်းက ပထမဂိုးကို သွင်းယူနိုင်ခဲ့တာ ဖြစ်ပြီး အဝေးကွင်းမှာ ဂိုးပြတ် ဦးဆောင်နိုင်ခဲ့တာပါ။

ဒါပေမယ့် အာဆင်နယ် အတွက် သောမတ်စ် ပါတေးနဲ့ ဘန် ၀ှိုက်တို့က ချေပဂိုးတွေ ပြန်လည် သွင်းယူပေးခဲ့ပြီး နာကျင် အချိန်ပို နောက်ဆုံး မိနစ်မှာတော့ ရီးစ် နယ်လ်ဆင်က အဖိုးတန် အနိုင်ဂိုးကို သွင်းယူပေးခဲ့ပါတယ်။ ဒီဂိုးကို သွင်းယူခဲ့ပြီးနောက်မှာ နယ်လ်ဆင်က အသင်း နိုင်ပွဲ အတွက် ပျော်ရွှင်ကြောင်း ဖွင့်ဟခဲ့ပါတယ်။

“ ဘောလုံးက ကျနော့်ဆီကို ရောက်လာတဲ့ အချိန်မှာပဲ ကျနော် တွေးမိခဲ့တာက ငါ့ကို အခွင့်အရေး တစ်ကြိမ်လောက် ကျေးဇူးပြုပြီး ပေးပါကွာ ဆိုတာပဲ၊ ကျနော် တကယ် ပျော်ပါတယ်၊ ကျနော်တို့ ဒီအခိုက်အတန့်တွေကို လိုအပ်နေခဲ့တာပါ၊ ဒါကို တစ်ရက်ချင်းစီ၊ တစ်ပွဲချင်းစီ ထိန်းသိမ်းသွားရမယ်၊ အာဆင်နယ် ပရိသတ် တစ်ဦး အနေနဲ့ ဆိုရင် ဒီရလဒ် အတွက် ကျနော် ပျော်ရွှင်မိတယ်” လို့ ပြောဆိုသွားခဲ့ပါတယ်။

အန်ဖီးလ်မှာ ယူနိုက်တက် မနိုင်ဘူးလို့ ဟောကိန်း ထုတ်လိုက်တဲ့ ဒန်နီ မာဖီ

လစ်ဗာပူးလ် ကစားသမားဟောင်းနဲ့ ဘောလုံးပွဲ ဝေဖန် သုံးသပ်သူ ဒန်နီ မာဖီက အန်ဖီးလ်မှာ ကစားရမယ့် ဒီနေ့ပွဲမှာ မန်ချက်စတာယူနိုက်တက်တို့ အနိုင်ရမှာ မဟုတ်ဘူးလို့ ပြောဆိုလိုက်ပါတယ်။ လစ်ဗာပူးလ် အနေနဲ့ ယူနိုက်တက်ကို ဘယ်လို ကစားရင် အနိုင်ရမလဲ ဆိုတာ ကိုလည်း သူက အကြံပေးခဲ့ပြီး မလုပ်နိုင်ခဲ့ရင်တော့ သူ အံ့အားသင့်မိမယ်လို့ ဆိုပါတယ်။

မာဖီက “ လစ်ဗာပူးလ် အနေနဲ့ ယူနိုက်တက်ကို မသက်မသာ ဖြစ်အောင် လုပ်နိုင်ဖို့ အရေးကြီးပါတယ်၊ ယူနိုက်တက်မှာ ပွဲကြီး ကစားသမားတွေ အများကြီး ရှိနေပြီး ဒါကိုလည်း အဲဒီ ကစားသမားတွေက လုပ်ပြခဲ့ပြီးပါပြီ၊ ဒါကြောင့် သူတို့ကို အေးဆေး ကစားခွင့် မပေးဖို့ လိုအပ်ပြီး ပထမပိုင်း မိနစ် ၂၀-၃၀ လောက်မှာ ဂိုးရအောင် သွင်းနိုင်မလား ကြည့်ရပါမယ်”

“ ယာဂင် ကလော့ပ် အနေနဲ့ ဂိုးစောစောရအောင် မလုပ်နိုင်ရင်တော့ ကျနော် အံ့အားသင့်မိပါလိမ့်မယ်၊ ဂိုးရရင်တော့ အောင်ပွဲက သူတို့ အတွက်ပါ၊ ယူနိုက်တက်က ဒီပွဲကို မနိုင်လောက်ဘူး၊ သရေ ဖြစ်မယ် ထင်တယ်၊ သူတို့ရဲ့ အသင်းကြီးတွေနဲ့ ပရီးမီးယားလိဂ် အဝေးကွင်း မှတ်တမ်းက သိပ်မကောင်းလှပါဘူး” လို့ ပြောဆိုသွားခဲ့ပါတယ်။

အာဆင်နယ် မနိုင်မချင်း ကန်ခိုင်းနေတာလားလို့ ပရီးမီးယားလိဂ်ကို မေးခွန်းထုတ်နေ

မနေ့က အာဆင်နယ်က ဘုန်းမောက်ကို ၃-၂ နဲ့ အနိုင်ရရှိခဲ့ရာမှာ အာဆင်နယ်တို့ ရရှိခဲ့တဲ့ အနိုင်ဂိုးက သတ်မှတ်ပေးထားတဲ့ နာကျင် အချိန်ပို မိနစ် ကျော်လွန်ချိန်မှာ သွင်းယူခဲ့တာ ဖြစ်ပါတယ်။ နာကျင် အချိန်ပို ၆ မိနစ် ပေးခဲ့ပေမယ့် ဂိုးသွင်းချိန် မှာတော့ ၇ မိနစ်ကျော်နေခဲ့ပြီး ဒီလိုမျိုး ဘာလို့မျိုး ခွင့်ပြုခဲ့တာလဲ ဆိုတဲ့ မေးခွန်းတွေ ထွက်လာခဲ့ပါတယ်။

အာဆင်နယ် ကတော့ ဒီအခွင့်အရေးကို အသုံးချနိုင်ခဲ့ပြီး ရီးစ် နယ်လ်ဆင်ရဲ့ အဖိုးတန် သွင်းဂိုးနဲ့ နိုင်ပွဲ ရကာ မန်ချက်စတာစီးတီးကို ၅ မှတ် ဖြတ်တောက်ထားနိုင်ဆဲ ဖြစ်ပါတယ်။

ဒါပေမယ့် ကွင်းလယ် ဒိုင်လူကြီး ကိုတော့ ဝေဖန်မှုတွေ ရှိနေခဲ့ပြီး အာဆင်နယ် မနိုင်မချင်းကို ပေးကန်ခဲ့တာလားလို့ ပရိသတ်တွေက တွစ်တာမှာ ရေးသား ပြောဆိုနေကြပါတယ်။

ပရိသတ် တစ်ဦးက “ ၆ မိနစ်လို့ တရားဝင်ပေးခဲ့ပေမယ့် အာတီတာက သူ လိုချင်တဲ့ ၇ မိနစ်ကို ရသွားခဲ့တယ်” လို့ ပြောဆိုခဲ့ပါတယ်။ နောက်တစ်ဦး ကလည်း “ အာတီတာက ၇ မိနစ်တောင် တောင်းခဲ့ပြီး တကယ်လည်း ရခဲ့တယ်၊ ရှက်ဖို့ ကောင်းတယ်” လို့ ဆိုကာ နောက်ထပ် တစ်ဦး ကလည်း “ ပရီးမီးယားလိဂ်က အာဆင်နယ် အတွက် အကြံအဖန်တွေ လုပ်ပေးနေတာပဲ” လို့ ရေးသားခဲ့ကြပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.