ပရီးမီးယားလိဂ် ကလပ် အက်စတွန်ဗီလာ ကတော့ ဒေါ့မန်ရဲ့ ခြေစွမ်းပြ တောင်ပံကစားသမား ဒွန်ရဲလ် မယ်လန်ကို ခေါ်ယူချင်နေကြောင်း သတင်းတွေ ထွက်ပေါ်လာပါတယ်။ မယ်လန်ဟာ အချိန်အတိုင်းအတာ တစ်ခု အထိ ပရီးမီးယားလိဂ်မှာ ကျင်လည်ခဲ့ဖူးသူ ဖြစ်တာကြောင့် အူနိုင်း အမ်မရီရဲ့ အသင်းက သူ့ကို အင်္ဂလန်မြေဆီ ပြန်လည် ခေါ်ယူချင်နေတာလည်း ဖြစ်ပါတယ်။
အသက် ၂၅ နှစ် အရွယ် နယ်သာလန် တောင်ပံ တိုက်စစ် ကစားသမား မယ်လန်ဟာ ၂၀၁၅ ခုနှစ်မှာ အေဂျက်စ် လူငယ် အသင်း ကနေ အာဆင်နယ် လူငယ် အကယ်ဒမီဆီ ရောက်ရှိလာခဲ့သူ ဖြစ်ပါတယ်။ မယ်လန်က အာဆင်နယ် လူငယ် အသင်းမှာ ခြေစွမ်းပြနိုင်ခဲ့ပေမယ့် စီနီယာ အသင်းကြီး အတွက် ကစားခွင့် မရပဲ ၂၀၁၇ ခုနှစ် မှာတော့ ပီအက်စ်ဗွီကို ပြောင်းရွှေ့သွားခဲ့ပါတယ်။ နယ်သာလန် ကလပ် ပီအက်စ်ဗွီ မှာတော့ မယ်လန်က အကောင်းဆုံး ခြေစွမ်းပြနိုင်ခဲ့တာကြောင့် ၂ဝ၂၁ ခုနှစ် မှာတော့ ဒေါ့မန်က ၅ နှစ် စာချုပ်နဲ့ ခေါ်ယူခဲ့ပါတယ်။ မယ်လန်ဟာ ဒေါ့မန်မှာ တစ်ရာသီ ၃၅ ပွဲထက် မနည်း ကစားပေးခဲ့ပြီး အဓိက ကစားသမား တစ်ဦးလည်း ဖြစ်နေခဲ့သူပါ။ လက်ရှိ မှာတော့ ဒေါ့မန်က မယ်လန်ကို လက်လွှတ်သွားဖို့ ရှိနေပြီး ဒီအခြေအနေကို စောင့်ကြည့်နေတဲ့ ကလပ်တွေ အများအပြား ရှိလာခဲ့တာ ဖြစ်ပါတယ်။
အခု လက်ရှိ မှာတော့ ဒွန်ရဲလ် မယ်လန်ကို ခေါ်ယူဖို့ အတွက် အသေအချာ ကြိုးပမ်းနေတဲ့ အသင်းက အက်စတွန်ဗီလာ ဖြစ်ပါတယ်။ ဒါကြောင့် ပရီးမီးယားလိဂ် ကလပ်က မယ်လန် အတွက် ကနဦး အဖြစ် ပြောင်းရွှေ့ကြေး ယူရို ၁၆ သန်း + အပိုဆုကြေးနဲ့ ကမ်းလှမ်းခဲ့ပါတယ်။ ဒါပေမယ့် ဒီကမ်းလှမ်းချက်ကို ဒေါ့မန် ဘက်က ချက်ချင်းပဲ ပယ်ချသွားခဲ့တယ်လို့ သိရပါတယ်။ ဒီလို ပယ်ချခဲ့ပေမယ့် အက်စတွန်ဗီလာက မယ်လန် အတွက် ဒုတိယအကြိမ် ကမ်းလှမ်းမှု အဖြစ် ပြောင်းရွှေ့ကြေး ၂ သန်း ထပ်တိုးပြီး ယူရို ၁၈ သန်း + အပိုဆုကြေးနဲ့ ထပ်မံ ကမ်းလှမ်းထားပါတယ်။ ဒေါ့မန် ကတော့ သူတို့ရဲ့ ကစားသမား အတွက် ယူရို သန်း ၂၀ ကျော် အထိ အလိုရှိနေပေမယ့်လည်း ဗီလာရဲ့ လက်ရှိ ကမ်းလှမ်းမှု ကိုတော့ စဉ်းစားနေဆဲ ဖြစ်ပါတယ်။
သတင်းတွေ အရ ဆိုရင်တော့ မယ်လန်က ပရီးမီးယားလိဂ် ကလပ် အက်စတွန်ဗီလာ ကို ပြောင်းရွှေ့ကစားဖို့ စိတ်အားထက်သန်နေတယ်လို့ သိရပါတယ်။ အက်စတွန်ဗီလာဟာ လက်ရှိ ပရီးမီးယားလိဂ်ရဲ့ အသင်းကြီး တစ်သင်း စာရင်းဝင်စပြုလာပြီ ဖြစ်သလို ချန်ပီယံလိဂ် မှာလည်း နောက်တစ်ဆင့် တက်ဖို့ အခြေအနေ ကောင်းနေတာကြောင့် မာလန်း တစ်ယောက် ပိုပြီး စိတ်ဝင်စားနေတာ ဖြစ်ပါတယ်။ ဒါ့အပြင် ဗီလာ ဘက်ကလည်း မယ်လန် လို ဥရောပ အတွေ့အကြုံ ရှိတဲ့ ကစားသမား တစ်ဦး လိုအပ်နေတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
