ပေါ့ဘာကို‌ ခေါ်ခဲ့တဲ့ ဂျူဗီကို ဝေဖန်ခဲ့တဲ့ ဂန္တဝင်ဟောင်း၊ အင်တာမီလန်နဲ့ အပြောင်းအရွှေ့ သတင်းတွေ အပေါ် ဒီပိုင်းရဲ့ ရှေ့နေ ဖွင့်ဟ (စီးရီးအေ နောက်ဆုံးရ သတင်းများ)

ပေါ့ဘာကို‌ ခေါ်ခဲ့တဲ့ ဂျူဗီကို ဝေဖန်ခဲ့တဲ့ ဂန္တဝင်ဟောင်း၊ အင်တာမီလန်နဲ့ အပြောင်းအရွှေ့ သတင်းတွေ အပေါ် ဒီပိုင်းရဲ့ ရှေ့နေ ဖွင့်ဟ စတဲ့ သတင်းတွေ အပါအဝင် ဇန်နဝါရီ ၁၉ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။

ပေါ့ဘာကို‌ ခေါ်ခဲ့တဲ့ ဂျူဗီကို ဝေဖန်ခဲ့တဲ့ ဂန္တဝင်ဟောင်း

ဂျူဗင်တပ်စ် ဂန္တဝင် ကစားသမားဟောင်းကြီး အိန်ဂျယ်လို ဒီလီဗီယိုက ပြီးခဲ့တဲ့ နွေရာသီမှာ ပေါ်လို ဒီဘားလားကို အလွတ်ပြောင်းရွှေ့ကြေးနဲ့ လက်လွှတ်ခံပြီး ပေါ်လ် ပေါ့ဘာကို ပြန်လည် ခေါ်ယူခဲ့တဲ့ ဂျူဗင်တပ်စ်ရဲ့ လုပ်ရပ်နဲ့ ပတ်သက်လို့ ဝေဖန်ခဲ့ပါတယ်။

ဒီဘားလားဟာ စီးရီးအေ အသင်း တစ်သင်းပဲ ဖြစ်တဲ့ ရိုးမားကို ပြောင်းရွှေ့ကာ လက်ရှိအချိန်မှာ ခြေစွမ်းကောင်းတွေ ပြသလျက် ရှိပါတယ်။

ဒါပေမယ့် ပေါ့ဘာ ကတော့ အသင်းကို ပြန်လည် ရောက်ရှိလာချိန်တည်းက ဒူးဒဏ်ရာ ပြဿနာကြောင့် လက်ရှိအချိန် အထိ အနားယူနေရပြီး ဒီဗီလီယိုက အခုလိုပဲ ဝေဖန် ပြောကြားခဲ့တာ ဖြစ်ပါတယ်။

အင်တာမီလန်နဲ့ အပြောင်းအရွှေ့ သတင်းတွေ အပေါ် ဒီပိုင်းရဲ့ ရှေ့နေ ဖွင့်ဟ

ဘာစီလိုနာ တိုက်စစ် ကစားသမား မမ်းဖစ် ဒီပိုင်းက စီးရီးအေ ကလပ် အင်တာမီလန်ကို ပြောင်းရွှေ့မယ့် သတင်းတွေ ထွက်ပေါ်နေတဲ့ အပေါ် ကစားသမားရဲ့ ရှေ့နေ ဖြစ်သူက ငြင်းဆန်လိုက်ပါတယ်။

ဒီပိုင်းဟာ လက်ရှိ ဆောင်းရာသီ အပြောင်းအရွှေ့မှာ ဘာစီလိုနာ ကနေ သေချာပေါက် ထွက်ခွာတော့မှာ ဖြစ်ပြီး အင်တာမီလန်နဲ့ သတင်းတွေ ထွက်ပေါ်လာခဲ့တာပါ။

ဒါပေမယ့် ဒီပိုင်းရဲ့ ရှေ့နေ ဆီဘက်စတီယန်လီဂျူက ဒီပိုင်း အနေနဲ့ အင်တာမီလန်ကို ပြောင်းရွှေ့ဖို့ ဆွေးနွေးမှုတွေ မရှိကြောင်း၊ အနာဂတ် မှာလည်း ဒီလိုမျိုး ဆွေးနွေးနိုင်ချေ မရှိကြောင်း ဖြေရှင်းသွားခဲ့ပါတယ်။

ပရီးမီးယား လိဂ်