ကူလီဘလီကို စိတ်ဝင်စားနေတဲ့ ဂျူဗင်တပ်စ်၊ မာရာဒိုနာနဲ့ နှိုင်းယှဥ်ခံရတာကို အသားကျနေပြီလို့ ဆိုတဲ့ နာပိုလီ ကြယ်ပွင့် (စီးရီးအေ နောက်ဆုံးရ သတင်းများ)

ကူလီဘလီကို စိတ်ဝင်စားနေတဲ့ ဂျူဗင်တပ်စ်၊ မာရာဒိုနာနဲ့ နှိုင်းယှဥ်ခံရတာကို အသားကျနေပြီလို့ ဆိုတဲ့ နာပိုလီ ကြယ်ပွင့် စတဲ့ သတင်းတွေ အပါအဝင် ဧပြီလ ၂၅ ရက်နေ့ရဲ့ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။

ကူလီဘလီကို စိတ်ဝင်စားနေတဲ့ ဂျူဗင်တပ်စ်

ဂျူဗင်တပ်စ်ဟာ ချဲလ်ဆီးမှာ အဆင်မပြေ ဖြစ်နေတဲ့ နောက်ခံလူ ကာလီဒူ ကူလီဘလီကို ခေါ်ယူဖို့ အတွက် စိတ်ဝင်စားနေကြောင်း သိရှိရပါတယ်။

အဆိုပါ အိုင်ဗရီကို့စ် လက်ရွေးစင် နောက်ခံလူဟာ လက်ရှိ ချဲလ်ဆီးမှာ မပျော်မရွှင်ဖြစ်နေပြီး သူကိုယ်တိုင်လည်း စီးရီးအေကို ပြန်ဖို့ အတွက် ဆန္ဒရှိနေကြောင်း သတင်းတွေက ဖော်ပြထားပါတယ်။

ကူလီဘလီနဲ့ ပတ်သက်လို့ ဂျူဗင်တပ်စ် ဘက်ကလည်း အလေးအနက်ထား စဥ်းစားနေပြီး နည်းပြ မက်စ် အယ်လီဂရီ ကလည်း ကူလီဘလီရဲ့ ပရိသတ်တစ်ဦး ဖြစ်တယ်လို့ သိရှိရပါတယ်။ ကူလီဘလီ အနေနဲ့ သူ့ရဲ့ တစ်နှစ် လုပ်ခ ယူရို (၁၀) သန်းကို ယူရို (၇) သန်း အထိ လျှော့ယူမယ် ဆိုပါက လာမယ့် နွေရာသီမှာ ဂျူဗင်တပ်စ်ထံ အငှားနဲ့ ထွက်ကစားနိုင်ဖွယ် ရှိနေပါတယ်။

ဂျူဗင်တပ်စ် နည်းပြ အယ်လီဂရီဟာ ကူလီဘလီ အပြင် ချဲလ်ဆီး ကနေ အင်တာမီလန်ကို အငှားနဲ့ လာရောက် ကစားနေတဲ့ တိုက်စစ်မှူး ရိုမယ်လူ လူကာကူရဲ့ ခြေစွမ်း ကိုလည်း သဘောကျနေတယ်လို့ သိရှိရပါတယ်။

မာရာဒိုနာနဲ့ နှိုင်းယှဥ်ခံရတာကို အသားကျနေပြီလို့ ဆိုတဲ့ နာပိုလီ ကြယ်ပွင့်

နာပိုလီ တိုက်စစ် ကြယ်ပွင့် ခါဗီချာ ခါဗာရက်စ် ခီလီယာက သူ့အနေနဲ့ ဂန္တဝင် ကစားသမားကြီး မာရာဒိုနာနဲ့ နှိုင်းယှဥ်ခံရတဲ့ အပေါ်မှာ အသားကျနေပြီလို့ ဖွင့်ဟ ပြောကြားလာခဲ့ပါတယ်။

လက်ရှိ ဘောလုံးရာသီမှာမှ သူ့အတွက် စီးရီးအေ ပထမဆုံး အတွေ့အကြုံ အဖြစ် ဖြတ်သန်းနေတဲ့ ဒီကစားသမားဟာ နာပိုလီ အတွက် အကောင်းဆုံး ခြေစွမ်းပြနေပြီး ဥ‌ရောပထိပ်တန်း အသင်းကြီးတွေရဲ့ ပစ်မှတ် ဖြစ်‌နေပါပြီ။

ဒီရာသီမှာ စီးရီးအေ ချန်ပီယံဆုကို ဆွတ်ခူးဖို့ အခြေအနေ ကောင်းတွေ ပိုင်ဆိုင်ထားတဲ့ နာပိုလီ အတွက် ကစားပေးနေတာကြောင့်လည်း ခီလီယာကို ပရိသတ်တွေက နေပယ်လ်မြို့ရဲ့ ဂန္တဝင်ကြီး မာရာဒိုနာနဲ့ ခိုင်းနှိုင်း ချီးကျူးနေကြပါတယ်။

ခီလီယာ ကတော့ နေပယ်လ်မြို့မှာ မာရာဒိုနာက ဘုရင်တစ်ပါးလို ပြုမူ ဆက်ဆံခံရတာ ဖြစ်ကြောင်း၊ အစပိုင်း မှာတော့ ကျွန်တော့်ကို ဘာကြောင့် သူနဲ့ နှိုင်းယှဥ်နေကြလဲ ဆိုတာကို နားမလည်နိုင်ကြောင်း၊ ဒါပေမယ့် အခုချိန်မှာတော့ ဒီအရာတွေနဲ့ အသားကျနေပြီ ဖြစ်ကြောင်း ပြောကြားသွားခဲ့ပါတယ်။

လူကာကူက အကောင်းဆုံး ပုံစံမှာ မရှိသေးဘူးလို့ အင်တာ စီးအီးအို ပြော

အင်တာမီလန်ရဲ့ အမှုဆောင် အရာရှိချုပ် ဂူဆက်စပီ မာရော့တာက အသင်းရဲ့ တိုက်စစ်မှူး ရိုမီလူ လူကာကူဟာ ကြံ့ခိုင်မှု အကောင်းဆုံး ပုံစံကို မရောက်ရှိသေးဘူးလို့ ဖွင့်ဟ ပြောကြားလိုက်ပါတယ်။

ဒီရာသီ အစောပိုင်းမှာ လူကာကူက ဒဏ်ရာပြဿနာတွေနဲ့ ရုန်းကန်ခဲ့ရပြီး (၂၀၂၃) ခုနှစ် အတွင်းမှသာ စီးရီးအေ ကလပ် အတွက် ပွဲစဥ်တွေကို ပုံမှန် ပြန်ကစားပေးနိုင်ခဲ့တာပါ။ လူကာကူဟာ အသင်း အတွက် အရေးပါတဲ့ သွင်းဂိုးတွေကို သွင်းယူပေးနေသည့်တိုင် မာရော့တာ ကတော့ အခုလိုပဲ ဖွင့်ဟ ပြောကြားလာခဲ့ပါတယ်။ မာရော့တာက လူကာကူက သူ့ရဲ့ အကောင်းဆုံး ပုံစံကို ပြသနိုင်ဖို့ အတွက် လုံလောက်တဲ့ ကြံ့ခိုင်မှုကို မရရှိသေးကြောင်း၊ သူ့ရဲ့ အကောင်းဆုံး ပုံစံ ဒါမှမဟုတ် နောက်ပိုင်းနှစ်တွေမှာ ပြသခဲ့တဲ့ သူ့ရဲ့ စွမ်းဆောင်ရည် ကောင်းတွေကို မမြင်တွေ့ရသေးကြောင်း ပြောကြားသွားခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.