အောက်တိုဘာ ၇ ရက်နေ့ မနက်ခင်း အထိ နောက်ဆုံး ရရှိထားသမျှ စီးရီးအေ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
နာပိုလီနဲ့ စာချုပ်သစ်ချုပ်ဆိုလိုက်တဲ့ အဲလက်စ် မီရတ်
နာပိုလီ ကတော့ သူတို့ အသင်းရဲ့ အဓိက ဂိုးသမား အဲလက်စ် မီရတ်ကို စာချုပ်သစ် ချုပ်ဆိုလိုက်ပြီ ဖြစ်ကြောင်း သိရပါတယ်။ အသက် (၂၅) နှစ် အရွယ် အီတလီ ဂိုးသမားကို နာပိုလီတို့ (၂၀၂၄) အထိ သက်တမ်းရှိ စာချုပ်သစ် တရပ် ချုပ်ဆိုလိုက်တာ ဖြစ်ပါတယ်။
ဒါ့အပြင် ဒီစာချုပ်မှာ နောက်ထပ် တစ်နှစ် သက်တမ်း တိုးခွင့်လည်း ပါရှိသေးတယ်လို့ သိရပါတယ်။ ဒီကစားသမားရဲ့ မူလ စာချုပ်က လာမယ့် (၂၀၂၃) ဇွန်မှာ ကုန်ဆုံးမှာ ဖြစ်ပါတယ်။ မီရတ်ဟာ ပြီးခဲ့တဲ့ နွေရာသီက အသင်း ကနေ ထွက်ခွာဖို့ သတင်းတွေ ထွက်ပေါ်ခဲ့ပါသေးတယ်။ ဒါပေမယ့် လက်ရှိ ရာသီမှာတော့ မီရတ်က နာပိုလီရဲ့ အဓိက ဂိုးသမား အဖြစ် စီးရီးအေနဲ့ ချန်ပီယံလိဂ် ပွဲစဉ်တိုင်းမှာ ပွဲထွက်ခွင့် ကစားခွင့်ရရှိထားပါတယ်။
နာပိုလီဟာ ဒီရာသီမှာ စီးရီးအေ အမှတ်ပေးဇယားကို ဦးဆောင်ထားတဲ့ အပြင် လစ်ဗာပူးလ်၊ အေဂျက်စ်တို့ ပါဝင်နေတဲ့ ချန်ပီယံလိဂ် အုပ်စု အဆင့် မှာလည်း ထိပ်ဆုံး ကနေ ဦးဆောင်လျက် ရှိပါတယ်။
ချဲလ်ဆီးကို ရှုံးခဲ့တဲ့ အပေါ် နာကျင်ရကြောင်း အေစီမီလန် ကွင်းလယ်လူ ပြောကြား
အေစီမီလန် ကွင်းလယ်လူ အစ္စမေးလ် ဘန်နက်ဆာက ချန်ပီယံလိဂ် အဝေးကွင်းပွဲမှာ ချဲလ်ဆီးကို ဂိုးပြတ် ရှုံးနိမ့်ခဲ့တဲ့ အပေါ် နာကျင်ရကြောင်း ဖွင့်ဟခဲ့ပါတယ်။ ဒီပွဲမှာ စီးရီးအေ ကလပ် အေစီမီလန်ဟာ စတမ်းဖို့ဒ်ဘရစ်ချ်မှာ ၃ ဂိုးပြတ်နဲ့ အရေးနိမ့်ခဲ့တာပါ။
ဒီပွဲနဲ့ ပတ်သက်လို့ ဘန်နက်ဆာက “ဒီလိုမျိုး ရှုံးရတာ တကယ် နာကျင်ရပါတယ်။ ကျနော် တို့မှာ မှန်ကန်တဲ့ တိုက်ပွဲဝင်စိတ်နဲ့ ဆာလောင်စိတ် မရှိခဲ့ပါဘူး။ ချန်ပီယံလိဂ်က မတူညီတဲ့ အဆင့် တစ်ခု ဖြစ်ပြီး ကျနော်တို့ ပိုမို ပေးဆပ်ရမှာပါ”
“ဒီပွဲမှာ ကျနော်တို့ ဘာတွေ မှားယွင်းခဲ့တယ် ဆိုတာကို ပြန်ကြည့်ပြီး ပြင်ဆင်ရမှာပါ။ ကျနော် တို့က အမြဲတမ်း ပွဲတိုင်းကို အသေးစိတ်ကျကျ ပေးဆပ်ဖို့ ကြိုးစားကြပါတယ်။ ဒုတိယဂိုး ပေးလိုက်ရချိန်မှာ ကျနော်တို့ အတွက် ခက်ခဲခဲ့ပြီး စိတ်ဓာတ်ကျသွားပါတယ်” “ကျနော်တို့ ပိုကောင်းအောင် လုပ်ဖို့ လိုအပ်ခဲ့ပါတယ်” လို့ ပြောကြားခဲ့ပါတယ်။
အယ်လီဂရီရဲ့ ရာထူးနဲ့ ပတ်သက်လို့ အာမခံချက် ပေးလိုက်တဲ့ နက်ဗက်
အယ်လီဂရီဟာ ဒီရာသီမှာ ဂျူဗင်တပ်စ်ကို စီးရီးအေမှာ နိုင်ပွဲ (၃) ပွဲ၊ ချန်ပီယံလိဂ်မှာ နိုင်ပွဲ (၁) ပွဲသာ ရရှိအောင် စွမ်းဆောင်ပေးထားနိုင်ပါတယ်။ ပြီးခဲ့တဲ့ ရက်သတ္တပတ် အတွင်းမှာ အယ်လီဂရီ ရာထူးက အထုတ်ခံရတော့မယ်လို့ သတင်းတွေ ကျယ်ကျယ်လောင်လောင် ထွက်ပေါ်ခဲ့ပါတယ်။
ဒါပေမယ့် နက်ဗက် ကတော့ “နည်းပြရဲ့ ရာထူးနဲ့ ပတ်သက်လို့ ဘယ်တုန်းကမှ နည်းနည်းလေးတောင် သံသယ မရှိခဲ့ဖူးပါဘူး။ ကျနော် ဒါကို ရှင်းရှင်းလင်းလင်း ပြောချင်ပါတယ်”
“နိုင်ပွဲ ရပြီးတဲ့ နောက်မှာတော့ ကျနော်တို့ ပိုပြီး ယုံကြည်ချက် ရှိလာပါတယ်။ ဒါပေမယ့် ကျနော်တို့ ရှေ့ဆက်ဖို့ လေ့ကျင့်ခန်း အစီအစဥ်တွေ လိုအပ်ပါသေးတယ်” “ကစားသမားတွေက နိုင်ငံတကာ ရက်သတ္တပတ် အပြီးမှာ မှန်ကန်တဲ့ ခံယူချက်နဲ့ ပြန်လာနိုင်တဲ့ အပေါ် ကျနော် ပျော်ပါတယ်။ ဒါက လုံလောက်မှုရှိ၊ မရှိ စောင့်ကြည့်ရမှာပါ” လို့ ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
