စက်တင်ဘာ ၂ ရက်နေ့ အထိ နောက်ဆုံး ရရှိထားသမျှ စီးရီးအေ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
ချဲလ်ဆီးကို ပြောင်းရွှေ့သွားခဲ့တဲ့ ဂျူဗင်တပ်စ် ကွင်းလယ်လူ
ဂျူဗင်တပ်စ် ကွင်းလယ်လူ ဒန်းနစ် ဇာကာရီယာဟာ အပြောင်းအရွှေ့ နောက်ဆုံးရက်မှာ ချဲလ်ဆီးကို ပြောင်းရွှေ့သွားခဲ့ပါတယ်။ ဒီကစားသမားကို ချဲလ်ဆီးတို့ တစ်ရာသီ အငှားနဲ့ ခေါ်ယူခဲ့တာ ဖြစ်ပါတယ်။
ဇာကာရီယာနဲ့ ချဲလ်ဆီးတို့ အကြားမှာလည်း လွယ်လွယ်ကူကူနဲ့ပဲ ပုဂ္ဂိုလ်ရေးအရ သဘောတူညီမှု ရရှိခဲ့ပါတယ်။ ဒါ့အပြင် ချဲလ်ဆီး အနေနဲ့ ဒီကစားသမားကို အပြီးသတ် ခေါ်ယူခွင့် အတွက် စီးရီးအေ ကလပ် အသင်းနဲ့ တပါတည်း သဘောတူညီမှု ရရှိခဲ့ပါတယ်။
ချဲလ်ဆီးဟာ အပြောင်းအရွှေ့ နောက်ဆုံးရက်မှာ အဆိုပါ ကွင်းလယ် ခံစစ် ကစားသမားကို အရေးပေါ် ကမ်းလှမ်းခဲ့တာ ဖြစ်ပြီး ကစားသမား ကိုယ်တိုင် ကလည်း ချဲလ်ဆီးကို လိုလိုလားလား ပြောင်းရွှေ့ချင်ခဲ့ပါတယ်။
ချန်ပီယံလိဂ် ချန်ပီယံဟောင်း ချဲလ်ဆီးဟာ အပြောင်းအရွှေ့ နောက်ဆုံးရက်မှာ ဇာကာရီယာ အပြင် ဘာစီလိုနာ တိုက်စစ်မှူး အော်ဘာမီယန်း ကိုပါ ခေါ်ယူနိုင်ခဲ့ပါတယ်။
အပြောင်းအရွှေ့ နောက်ဆုံးရက်မှာ အင်တာမီလန်ကို ရောက်ဖို့ နီးစပ်ခဲ့သေးတဲ့ အယ်လ်ဘာ
ဘာစီလိုနာရဲ့ ဘယ်နောက်ခံလူ ဂျော်ဒီ အယ်လ်ဘာဟာ နွေရာသီ အပြောင်းအရွှေ့ရဲ့ နောက်ဆုံးရက်မှာ အင်တာမီလန်ကို ရောက်ရှိဖို့ နီးစပ်ခဲ့ပါသေးတယ်။ ဒါပေမယ့်လည်း ဒီကစားသမားက ဘာစီလိုနာက ထွက်ခွာဖို့ ငြင်းဆန်ခဲ့ပါတယ်။
ဘာစီလိုနာ အနေနဲ့ အော်ဘာမီယန်းကို ချဲလ်ဆီးထံ ရောင်းချခဲ့ပြီးနောက် မားကို့စ် အလွန်ဆိုကို အပြောင်းအရွှေ့ တစိတ်တပိုင်း အဖြစ် ပြန်လည် ရရှိခဲ့ပါတယ်။ အဲ့ဒါကြောင့်လည်း အယ်လ်ဘာ အနေနဲ့ အသင်းမှာ ပုံမှန် ပွဲထွက်ခွင့် အတွက် ရုန်းကန်ရနိုင်ပါတယ်။
စီးရီးအေ ကလပ် အင်တာမီလန်ဟာ အဆိုပါ စပိန်လူမျိုး ဘယ်နောက်ခံလူကို အငှားနဲ့ ခေါ်ယူဖို့ ဘာစီလိုနာနဲ့ သဘောတူညီမှု ရရှိခဲ့တယ်လို့ သတင်းတွေ ထွက်ပေါ်ခဲ့ပါသေးတယ်။ ဒါပေမယ့် ကစားသမား ကိုယ်တိုင်က ပုံမှန် ပွဲထွက်ခွင့်မရသည့်တိုင် ဘာစီလိုနာမှာပဲ ဆက်နေဖို့ ဆုံးဖြတ်ခဲ့တာပါ။
မယ်လိုကို အငှားနဲ့ ခေါ်ယူခဲ့တဲ့ လုပ်ရပ်ကို လီဗာပူး ပရိသတ်တွေ ပေါက်ကွဲ
လစ်ဗာပူးလ် ပရိသတ်တွေဟာ အပြောင်းအရွှေ့ နောက်ဆုံးရက်မှာ စီးရီးအေ ကလပ် ဂျူဗင်တပ်စ် ကွင်းလယ်လူ အာသာ မယ်လိုကို ခေါ်ယူခဲ့တဲ့ အသင်းရဲ့ လုပ်ရပ် အပေါ် ဒေါသ ပေါက်ကွဲနေကြပါတယ်။
လစ်ဗာပူးလ်ဟာ အဆိုပါ ဘာစီလိုနာ ကွင်းလယ်လူဟောင်းကို အငှားနဲ့ ခေါ်ယူခဲ့တာ ဖြစ်ပြီး အပြီးသတ် ခေါ်ယူခွင့် မပါရှိပါဘူး။ ကွန်မြူနတီဒိုင်း ချန်ပီယံ လစ်ဗာပူးလ်ဟာ နောက်ဆုံး ကစားခဲ့တဲ့ နယူးကာဆယ်နဲ့ ပွဲမှာ အသင်းခေါင်းဆောင် ဟန်ဒါဆန် ဒဏ်ရာရရှိခဲ့တာကြောင့် အခုလိုပဲ မယ်လိုကို ချက်ချင်း အငှားနဲ့ ခေါ်ယူခဲ့တာပါ။
ဒါပေမယ့် ဒီကစားသမားက နောက်ပိုင်း ကာလတွေမှာ ပုံမှန် ခြေစွမ်း ပျောက်ဆုံးနေတဲ့ ကစားသမား ဖြစ်ပါတယ်။ အဲ့ဒါကြောင့်လည်း လစ်ဗာပူးလ် ပရိသတ်တွေက မယ်လိုကို ခေါ်ယူတာက အကျိုးမရှိတဲ့ လုပ်ရပ် အဖြစ် ဝေဖန် ပြောဆိုနေကြတာပါ။
လစ်ဗာပူးလ်ရဲ့ လက်ရှိ ကွင်းလယ်မှာ အသင်းခေါင်းဆောင် ဟန်ဒါဆန်၊ သီယာဂို၊ နာဘီ ကေတာ၊ ကာတစ် ဂျုံးစ်နဲ့ ချိန်ဘာလိန် တို့လည်း ဒဏ်ရာရရှိနေပြီး ကွင်းလယ် လူသစ် မဖြစ်မနေ ခေါ်ယူရမှာကြောင့် အခုလိုပဲ မယ်လိုကို အရေးပေါ် ခေါ်ယူလိုက်တာလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
