အခုတစ်ခါ မှာတော့ ဇူလိုင်လ ၂၀ ရက်နေ့ ညနေပိုင်း အထိ ရရှိထားသမျှ စီးရီးအေ သတင်းတွေကို စုစည်း ဖော်ပြပေးသွားမှာ ဖြစ်ပါတယ်။
ဒီလစ်ဂျ် နေရာ အတွက် ချက်ချင်း အစားထိုး ခေါ်ယူနိုင်ခဲ့တဲ့ ဂျူဗင်တပ်စ်
အီတလီ စီးရီးအေ ကလပ် ဂျူဗင်တပ်စ် ကတော့ ဘေယန်မြူးနစ် ပြောင်းရွှေ့ သွားခဲ့တဲ့ နောက်ခံလူ ဒီလစ်ဂျ်ရဲ့ နေရာအတွက် တိုရီနို နောက်ခံလူ ဂလိုင်ဆင် ဘရီမာကို ချက်ချင်း ပြန်လည် အစားထိုး ခေါ်ယူခဲ့ပါတယ်။
ဒီကစားသမားအတွက် နှစ်သင်းကြားမှာရော၊ ကစားသမားနဲ့ပါ မနေ့က သဘောတူညီမှု ရရှိခဲ့ပါတယ်။ ဂျူဗင်တပ်စ်ဟာ ဘရီမာ အတွက် ကနဦး ပြောင်းရွှေ့ကြေး ယူရို သန်း ၄၀ ၊ အပိုဆုကြေးတွေနဲ့ ခေါ်ယူခဲ့ပြီး ကစားသမားနဲ့ ကာလရှည် စာချုပ် ချုပ်ဆိုသွားမှာ ဖြစ်ပါတယ်။
ဘရီမာကို ခေါ်ယူဖို့ နောက်ထပ် စီးရီးအေ ကလပ် တစ်ခု ဖြစ်တဲ့ အင်တာမီလန် ကလည်း စိတ်ဝင်စားခဲ့ပေမယ့် ဂျူဗင်တပ်စ် ကတော့ လျင်လျင်မြန်မြန်နဲ့ပဲ လက်ဦးမှု ရယူသွားခဲ့တာ ဖြစ်ပါတယ်။ အင်တာမီလန် အသင်း တာဝန်ရှိသူတွေဟာ ဘရီမာ အတွက် မနေ့က အစည်းအဝေး ပြုလုပ်ဖို့ ပြင်ဆင်နေချိန်မှာ ဂျူဗင်တပ်စ်က ခေါ်ယူသွားခဲ့တာလည်း ဖြစ်ပါတယ်။
ဒီဘားလားကို ခေါ်ယူပြီးနောက် နောက်ထပ် တိုက်စစ်မှူး တစ်ဦးကို မျက်စိကျနေပြန်တဲ့ မော်ရင်ဟို
ရိုးမားဟာ ဂျူဗင်တပ်စ် တိုက်စစ် ကစားသမားဟောင်း ဒီဘားလားကို အလွတ် ပြောင်းရွှေ့ကြေးနဲ့ ခေါ်ယူ နိုင်ခဲ့ပြီးနောက် နောက်ထပ် တိုက်စစ်မှူး တစ်ဦး ဖြစ်တဲ့ အန်ဒရီယာ ဘယ်လော့တီကို စိတ်ဝင်စားနေတယ်လို့ သိရပါတယ်။
ဘယ်လော့တီဟာ စီးရီးအေ ကလပ် တိုရီနိုရဲ့ တိုက်စစ်မှူးဟောင်း တယောက်ဖြစ်ပြီး လက်ရှိ နွေရာသီမှာ အသင်းနဲ့ စာချုပ်သက်တမ်း ကုန်ဆုံးခဲ့ပြီးနောက် အသင်းလက်မဲ့ ဖြစ်နေသူပါ။ ဘယ်လော့တီကို ခေါ်ယူဖို့ အတွက် နယူးကာဆယ်၊ ဝက်စ်ဟမ်း တို့လို အသင်းတွေက သတင်းထွက်နေပြီး မော်ရင်ဟို ရဲ့ ရိုးမား ကလည်း အလေးအနက်ထား စဉ်းစားနေတယ်လို့ သိရပါတယ်။ မော်ရင်ဟိုဟာ ပြီးခဲ့တဲ့ ရာသီ ကတည်းက အထောင် တိုက်စစ် နေရာ အတွက် အေဘရာဟမ် အပြင် အရန်သင့် အသုံးပြုနိုင်မယ့် နောက်ထပ် တိုက်စစ်မှူး တစ်ဦး ရှာဖွေနေခဲ့တာလည်း ဖြစ်ပါတယ်။
ဘယ်လော့တီဟာ စီးရီးအေ အတွေ့အကြုံရှိ ကစားသမား တစ်ဦး ဖြစ်ပြီး အလွတ် ပြောင်းရွှေ့ကြေးနဲ့လည်း အလွတ်ပြောင်းရွှေ့ကြေးနဲ့ ခေါ်ယူနိုင်မှာ ဖြစ်လို့ ရိုးမားတို့ အသေအချာ ကြိုးပမ်းမယ် ဆိုရင် မကြာခင် အကောင်အထည် ပေါ်လာနိုင်တဲ့ အပြောင်းအရွှေ့လည်း ဖြစ်ပါတယ်။
အနာဂတ် မရေမရာ ဖြစ်နေသေးတဲ့ ဂျူဗင်တပ်စ် ကွင်းလယ်လူ
ဘရာဇီးလ် ကွင်းလယ်လူဟာ ဂျူဗင်တပ်စ်ကို စတင် ရောက်ရှိလာချိန် ကတည်းက ပုံမှန် ခြေစွမ်း အောက်သာ ရှိခဲ့ပြီး မတူညီတဲ့ နည်းပြ နှစ်ယောက်စလုံးရဲ့ လက်အောက် မှာလည်း ခြေစွမ်းပိုင်း တိုးတက်လာခြင်း မရှိတဲ့ ကစားသမား ဖြစ်ပါတယ်။ အဲ့ဒါကြောင့်လည်း စီးရီးအေ ကလပ် ဘက်က မယ်လိုကို ရှင်းထုတ်ဖို့ ကြိုးစားနေတာ ဖြစ်ပါတယ်။
မယ်လို ကို ခေါ်ယူဖို့ ဘာစီလိုနာနဲ့ အာဆင်နယ်တို့က သတင်းတွေ ထွက်နေပြီး ဘာစီလိုနာ ကတော့ ကက်ဆေးကို ခေါ်ယူထားတာကြောင့် မယ်လိုကို ထပ်ပြီး ကြိုးစားမှာ မဟုတ်ပါဘူး။ မီခယ် အာတေးတား ကလည်း ကွင်းလယ် ကစားသမား တစ်ဦး ရှာဖွေနေပေမယ့် လက်ရှိအချိန်မှာ မယ်လိုဟာ ဦးစားပေး ပစ်မှတ် မဟုတ်တော့ဘူးလို့ သိရပြီး ပက်ကေးတားနဲ့ တေးလီမန့်စ်ကို မရမှသာ စဉ်းစားဖို့ ရှိနေတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
