အခုတစ်ခါ မှာတော့ ဇူလိုင်လ ၁၉ ရက်နေ့ ညပိုင်းအထိ နောက်ဆုံး ရရှိသမျှ စီးရီးအေရဲ့ စိတ်ဝင်စားစရာ အပြောင်းအရွှေ့ သတင်းတွေကို စုစည်း ဖော်ပြပေးသွားမှာ ဖြစ်ပါတယ်။
အီဘရာဟီမိုဗစ်ကို စာချုပ် သက်တမ်း တိုးလိုက်တဲ့ အေစီမီလန်
အေစီမီလန်ဟာ အသက် ၄၀ အရွယ် ဆွီဒင် တိုက်စစ်မှူးကြီးနဲ့ ဇလာတန် အီဗရာဟီမိုဗစ်နဲ့ တစ်နှစ် သက်တမ်းတိုး လိုက်ပြီလို့ သိရပါတယ်။ စီးရီးအေ ချန်ပီယံ အေစီမီလန် အသင်း ဟာ အရင်တည်းက ကစားသမားကို စာချုပ်သစ် ချုပ်ဖို့ သဘောတူညီထားပေမယ့် အခုမှသာ တရားဝင် စာချုပ် ချုပ်ဆိုနိုင်ခဲ့တာ ဖြစ်ပါတယ်။
အီဘရာဟီမိုဗစ်ဟာ ပြီးခဲ့တဲ့ တစ်ရာသီလုံး ဒဏ်ရာ ပြဿနာတွေနဲ့ ရုန်းကန်ခဲ့ရပြီး လက်ရှိ အချိန်မှာလည်း သူ့ရဲ့ ဒူးဒဏ်ရာကို ခွဲစိတ် ကုသမှု ခံယူထားရပါတယ်။ အီဘရာဟီမိုဗစ် ဟာ လက်ရှိ အချိန်ထိ ကစားသမား ဘဝကနေ အနားယူဖို့ မစဉ်းစားသေးဘဲ ဘောလုံး ဆက်ကစားဖို့ ဆန္ဒ ပြင်းထန်နေဆဲ ဖြစ်ပါတယ်။ ဒါပေမယ့် ဇလာတန်ဟာ အေစီမီလန် အသင်းဘက်ကို ပြန်ကြည့်တဲ့ အနေနဲ့ တစ်ပတ် လုပ်ခ ပေါင် ၁၅၀၀၀ သာ ယူသွားမယ်လို့ သိရပါတယ်။
အဲ့ဒါကြောင့်လည်း အေစီမီလန်က အီဘရာဟီမိုဗစ်ကို ၂၀၂၃ ဇွန်လ အထိ တစ်နှစ် စာချုပ် သက်တမ်းတိုးခဲ့တာ ဖြစ်ပါတယ်။ ဒါ့အပြင် အီဘရာဟီမိုဗစ်ဟာ အေစီမီလန်မှာ ကျောနံပါတ် ၁၁ ကိုသာ ဆက်လက် ဝတ်ဆင် သွားမယ်လို့လည်း သိရှိရပါတယ်။
တော့တီရဲ့ ကျောနံပါတ်ကို ဆက်ခံဖို့ ဆန္ဒ ရှိနေတဲ့ ဒီဘားလား
ရိုးမားကို ပြောင်းရွှေ့ခဲ့တဲ့ ဂျူဗင်တပ်စ် တိုက်စစ်မှူးဟောင်း ဒီဘားလားက သူ့အနေနဲ့ အသင်းသစ်မှာ ဂန္တဝင် ကစားသမားကြီး တော့တီ ဝတ်ဆင်ခဲ့တဲ့ ကျောနံပါတ် ၁၀ ကို ဆက်လက် ဝတ်ဆင်သွားဖို့ ဆန္ဒရှိနေတယ်လို့ သိရှိရပါတယ်။ အာဂျင်တီးနား ကစားသမားဟာ နည်းပြ မော်ရင်ဟိုရဲ့ ဆွဲဆောင်မှုကြောင့် ရိုးမားကို ရောက်ရှိလာခဲ့တာပါ။
ဒီဘားလားဟာ ဂျူဗင်တပ်စ် မှာ ဂန္တဝင် ကစားသမားကြီး ဒဲလ်ပီယာရိုရဲ့ ကျောနံပါတ်ကို ဆက်ခံခဲ့ပြီး အခုလည်း စီးရီးအေရဲ့ နောက်ထပ် ဂန္တဝင် ဖြစ်တဲ့ တော့တီရဲ့ ကျောနံပါတ်ကို ဆက်လက် ဝတ်ဆင်ခွင့်ရဖို့ ဆန္ဒရှိနေတာ ဖြစ်ပါတယ်။ တော့တီဟာ သူ့ရဲ့ ကစားသမား ဘဝတလျှောက်လုံး ရီးရဲယ်မက်ဒရစ် အပါအဝင် ဥရောပ ထိပ်တန်း အသင်းတွေရဲ့ စိတ်ဝင်စားမှုကို ခံခဲ့ရပေမယ့် ရိုးမား မှာပဲ သစ္စာရှိရှိနဲ့ တစ်သက်လုံး ကစားသွားခဲ့တာပါ။
ဒီဘားလားဟာ ရောမ ကလပ်နဲ့ ၃ နှစ် စာချုပ် ချုပ်ဆိုမှာ ဖြစ်ပြီး ရိုးမား အသင်းဟာ ရာသီကြို ခြေစမ်းပွဲတွေ ကစားဖို့ ပေါ်တူဂီ နိုင်ငံကို ရောက်ရှိ နေပြီလို့လည်း သိရပါတယ်။
ဂျူဗင်တပ်စ်ကို စာချုပ် ဖျက်သိမ်းပေးဖို့ တောင်းဆိုလိုက်တဲ့ ရမ်ဆေး
ဝေးလ်စ် ကွင်းလယ်လူ အာရွန် ရမ်ဆေး ကတော့ စီးရီးအေ ကလပ် ဂျူဗင်တပ်စ်နဲ့ စာချုပ် သက်တမ်း တစ်နှစ် ကျန်ရှိနေသေးပေမယ့် ဖျက်သိမ်းပေးဖို့ တောင်းဆိုလိုက်တယ်လို့ သိရပါတယ်။ ရမ်ဆေးဟာ ပြီးခဲ့တဲ့ ဘောလုံးရာသီရဲ့ ဒုတိယ ရာသီဝက်ကို စကော့တလန် ကလပ် ရိန်းဂျားစ်မှာ အငှားနဲ့ သွားရောက် ကစားခဲ့ရသူ ဖြစ်ပါတယ်။
စာချုပ် ဖျက်သိမ်းလိုက်မယ် ဆိုရင် ရမ်ဆေးကို အသင်းတိုင်းက အလွတ် ပြောင်းရွှေ့ကြေးနဲ့ ခေါ်ယူနိုင်မှာ ဖြစ်တာကြောင့် တစ်ပတ် လုပ်ခ ပေါင် ၄ သိန်း ပေးချေနေရသည့် တိုင်အောင် ဂျူဗင်တပ်စ်တို့ ပြန်ပြီး စဉ်းစား တွက်ချက်နေရတာ ဖြစ်ပါတယ်။
ရမ်ဆေးဟာ အရင်ကလည်း ဂျူဗင်တပ်စ် နည်းပြ မက်စ် အယ်လီဂရီရဲ့ နည်းစနစ်ပိုင်းတွေနဲ့ ပတ်သက် ပြီးတော့ အဆင်မပြေကြောင်း ဖွင့်ဟခဲ့ဖူးသူ ဖြစ်ပါတယ်။ လက်ရှိ အချိန်မှာ ကမ္ဘာ့ဖလား ပြိုင်ပွဲ ကျင်းပဖို့ ၄ လ သာ လိုတော့ပြီး ဝေးလ်စ် နဲ့အတူ ကမ္ဘာ့ဖလားမှာ ခြေစွမ်းပြနိုင်ရေး အတွက် ရမ်ဆေး အနေနဲ့ ပုံမှန် ပွဲထွက်ခွင့်ရနိုင်မယ့် အသင်း တစ်သင်း ဆီကို ပြောင်းရွှေ့လိုနေတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
