အင်တာမီလန် ၅-၀ ရှက်တာဒိုးနက်စ်
ဒီနေ့မနက် အစောပိုင်းကစားခဲ့တဲ့ ယူရိုပါလိဂ် ဆီမီးဖိုင်နယ်မှာတော့ အင်တာမီလန်တို့ မာတီးနက်ဇ်၊လူကာကူ၊အန်ဘရိုစီရိုတို့ရဲ့သွင်းဂိုးတွေနဲ့ အနိုင်ရသွားပါတယ်။ အင်တာမီလန်တို့ ယူကရိန်းချန်ပီယံ ရှက်တာဒိုးနက်စ်ကို စံချိန်တင်ဂိုးပြတ်အနိုင်ရခဲ့ပြီး ယူရိုပါလိဂ်ဖိုင်နယ်ကို ထိုက်ထိုက်တန်တန် တက်ရောက်သွားတာဖြစ်ပါတယ်။ အင်တာမီလန်အတွက် ၁၀စုနှစ်တစ်ခုအကြာမှ ဥရောပဖလားတစ်လုံးပြန်လည်ရရှိဖို့ အိမ်မက်တွေရှင်သန်လာခဲ့တယ်လို့ပြောရမှာပါ။ ဒီပွဲစဉ်မှာ ရှက်တာဒိုးနက်စ် ခံစစ်ပိုင်းတော်တော်လေး ဆိုးရွားခဲ့ပြီးတော့ ပြိုင်ဘက် အင်တာတို့ တစ်ပွဲလုံး ဂိုးပေါက်ကန်ချက် ၁၀ကြိမ်မကျော်ခဲ့ပေမယ့် ၅ဂိုးထိပေးခဲ့ရပါတယ်။ ၂၀၀၉ခုနှစ်က ယူအီးအက်ဖ်နာမည်နဲ့တုန်းက ဖလားရခဲ့တဲ့ ရှက်တာဒိုးနက်စ်တို့ ဒီတစ်ကြိမ်မှာလည်း ဂိုးပြတ်အရေးနိမ့်ခဲ့လို့ ဗိုလ်လုပွဲနဲ့ လွဲချော်ခဲ့ရတာဖြစ်ပါတယ်။
အထင်ကရအချက်အလက်များ
ပြောင်းလဲမှုတွေ များစွာပြုလုပ်ပြီး ဥရောပအသင်းကြီးတစ်သင်းအဖြစ် ပြန်လည်ရပ်တည်နိုင်ဖို့ အင်တာမီလန်တို့ရဲ့ စံမံကိန်း အကောင်အထည်ပေါ်စပြုလာခဲ့ပြီလို့ပြောရမှာပါ။ စီးရီးအေမှာ ဒုတိယရခဲ့တဲ့ဘအင်တာမီလန်တို့ ယူရိုပါလိဂ်မှာ လည်း ချန်ပီယံဖြစ်ဖို့ မျှော်လင့်နေပြီး အီတလီကလပ်တွေနဲ့ဆို ကံစပ်တဲ့ နည်းပြကွန်တီ အသင်းကို အကောင်းဆုံးပုံဖော်နေတာဖြစ်ပါတယ်။ ပရီးမီးယားလိဂ်မှာ ရုံးကန်ခဲ့ရတဲ့ လူကာကူ အင်တာမီလန်အတွက် ဂိုးတော်တော်များများသွင်းယူပေးနေပြီး အခု ယူရိုပါလိဂ်သွင်းဂိုးနှစ်ဂိုးအပါအ၀င် ပြိုင်ပွဲစုံသွင်းဂိုး ၃၁ဂိုးထိရှိလာပါတယ်။ ရှုံးနိမ့်ခဲ့တဲ့ ရှင်တာဒိုးနက်စ်ကတော့ အသင်းတော်တော်များများကို ဂိုးပြတ်အနိုင်ရပြီး ကျော်ဖြတ်လာပေမယ့် ဒီအဆင့်မှာတော့ အသင်းအဆင့်အတန်းကွာဟတဲ့ အင်တာမီလန်ကို ဂိုးပြတ်အရေးနိမ့်ခဲ့ရတာဖြစ်ပါတယ်။ အင်တာမီလန်တို့ ပထမပိုင်းမှာ မာတီနက်ဇ်ရဲ့သွင်းဂိုး ၁ဂိုးတည်းနဲ့ ဦးဆောင်နိုင်ခဲ့ပေမယ့် ဒုတိယပိုင်း ၆၄မိနစ်ကနေ ၈၄မိနစ်အတွင်း မာတီးနက်ဇ်က ၁ဂိုးထ့်သွင်းပြီး၊ လူကာကူက ၂ဂိုး၊ ကွင်းလယ်က အန်ဘရိုစီယို က ၁ဂိုးသွင်းယူပေးခဲ့လို့ ပွဲအပြီးမှာ ၅ဂိုးပြတ်အနိုင်ရခဲ့တာလည်းဖြစ်ပါတယ်။ ယို့ယွင်းနေတဲ့ ခံစစ်နဲ့ ထက်မြက်တဲ့ တိုက်စစ်တွေ့ဆုံမှုမှာ ဂိုးပြတ်အရေးနိမ့်ခဲ့ရတဲ့ ရှက်တာဒိုးနက်စ်တို့ ဒီအဆင့်နဲ့ပဲ ကျေနပ်သင့်တာအမှန်ပါပဲ။ အင်တာမီလန်ကတော့ အနိုင်နဲ့ထိုက်တန်ခဲ့ပြီး ၂၀၁၀ နောက်ပိုင်း ဥရောပပြိုင်ပွဲတွေမှာ ပထမဆုံးအကြိမ် ဗိုလ်လုပွဲကို တက်လှမ်းသွားနိုင်ခဲ့ပါတယ်။
လာမယ့်ပွဲစဉ်များ
အင်တာမီလန်တို့ ဗိုလ်လုပွဲမှာ တစ်ဖက်က မန်ချက်စတာယူနိုက်တက်ကို အနိုင်ရလာတဲ့ ဆီဗီလာနဲ့ တွေ့ဆုံနေပါတယ်။ ဆီဗီလာကတော့ ၂၀၁၄၊ ၂၀၁၅၊ ၂၀၁၆ သုံးနှစ်ဆက်ချန်ပီယံဖြစ်ထားပြီး သမိုင်းတစ်လျှောက် ချန်ပီယံ ၅ကြိမ်ဖြစ်ထားလို့ အအောင်မြင်ဆုံးအသင်းအဖြစ် ရပ်တည်နေပါတယ်။ အင်တာမီလန်ကတော့ ၁၉၉၉ခုနှစ်မှာ ချန်ပီယံဖြစ်ခဲ့တဲ့ ပါးမားအသင်းပြီးရင် ပထမဆုံးအကြိမ်အဖြစ် ဗိုလ်လုပွဲကို တက်လှမ်းလာတဲ့ အီတလီကလပ် အဖြစ် မှတ်တမ်း၀င်ခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ်, တွစ်တာ, အင်စတာဂရမ် and ယူကျု့ဘ်.
